កំពង់ឆ្នាំង៖ អំណោយមួយចំនួនរួមមាន ច្រាស់ដុសធ្មេញ ថ្នាំដុសធ្មេញ សម្ភារៈឧបទ្ទេសបង្រៀនសុខភាពមាត់ធ្មេញកុមារ តាមរយៈក្រុមការងារថ្នាក់ជាតិត្រូវបានប្រគល់ជូនដល់សាលាមត្តេយ្យរដ្ឋ និងសហគមន៍ចំនួន១០ ក្នុងខេត្តកំពង់ឆ្នាំង ព្រមទាំងប្រគល់ជូនប្រអប់សង្រ្គោះបឋមជូនសាលាមត្តេយ្យក្រុងកំពង់ឆ្នាំងផងដែរ។
សកម្មភាពនាំយកអំណោយជូនដល់សាលានេះ ក្រោមការដឹកនាំដោយលោកជំទាវ សឿ សុជាតា អនុរដ្ឋលេខាធិការក្រសួងអប់រំ យុវជន និងកីឡា នាថ្ងៃសៅរ៍ ៦រោច ខែបុស្ស ឆ្នាំច សំរឹទ្ធិស័ក ព.ស.២៥៦២។ ក្នុងឱកាសនោះ លោកជំទាវអនុរដ្ឋលេខាធិការ បានផ្តល់ថវិកាជួយទ្រទ្រង់វិទ្យាល័យចំនួន៣ ព្រមទាំងជូនសៀវភៅសិក្សាគោល ផ្នែកសុខភាពសិក្សាចំនួន ១៥ក្បាល និងសៀវភៅភាពជាអ្នកដឹកនាំ ជូនដល់មន្ទីរ អប់រំ យុវជន និងកីឡា ខេត្តកំពង់ឆ្នាំង៕