រាជធានីភ្នំពេញ ៖ ឯកឧត្ដមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានអនុញ្ញាតឲ្យលោក Sarbar Umar ប្រធានថ្មីរបស់អង្គការយូណេស្កូកម្ពុជា ដែលមកកាន់តំណាងជំនួសលោកស្រី Anne Lemaister ដែលបានបញ្ចប់អាណត្តិការងារនៅកម្ពុជា ចូលជួបសម្តែងការគួរសម និងធ្វើការពិភាក្សានៅកិច្ចសហប្រតិបត្តិការជាបន្តទៅទៀតលើកិច្ចការងារគាំទ្រកំណែទម្រង់វិស័យអប់រំនៅព្រះរាជាណាចក្រកម្ពុជា ឲ្យបានរលូន និងរីកចម្រើនរឹងមាំ។
គួរបញ្ជាក់ផងដែរ ថាការចូលជួបសម្ដែងការគួរសមនេះត្រូវបានចូលរួមដោយថ្នាក់ដឹកនាំសំខាន់ផ្សេងៗទៀតរបស់ក្រសួងអប់រំ យុវជន និងកីឡា និងបុគ្គលិកច្រើនរូបរបស់អង្គការយូណេស្កូកម្ពុជា នាព្រឹកថ្ងៃចន្ទ ៨រោច ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៨ ខែមករា ឆ្នាំ២០១៩ នៅមជ្ឈមណ្ឌលជាតិហ្វឹកហ្វឺនកីឡា៕
