ខេត្តកែប៖ “រលកក្រោយអាចរុញច្រានរលកមុន ទើបមានការអភិវឌ្ឍ” នេះជាប្រសាសន៍ឯកឧត្ដម បណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ក្នុងឱកាសនៃការរៀបចំពិធីបើកសិក្ខាសាលាបូកសរុបការងារស្ដីពីការគ្រប់គ្រងមជ្ឈមណ្ឌល និងយុវជន នាព្រឹកថ្ងៃពុធ ១០រោច ខែបុស្ស ឆ្នាំច សំរឹទ្ធិស័ក ព.ស.២៥៦២ នៅមន្ទីរអប់រំ យុវជន និងកីឡាខេត្តកែប។
ការលើកឡើងបែបនេះ ក្នុងន័យជំរុញលើកទឹកចិត្តយុវជន ឱ្យខិតខំប្រឹងប្រែងកសាងសមត្ថភាពកាន់តែខ្លាំងឡើងពីមួយជំនាន់ ទៅមួយជំនាន់ ដើម្បីប្រទេសជាតិមានភាពរីកចម្រើន។ ក្នុងឱកាសនោះ ឯកឧត្តមបណ្ឌិតក៏បានលើកឡើងផងដែរថា ក្នុងតួនាទីជារដ្ឋមន្ត្រីក្រសួងអប់រំ គឺផ្តល់ឱកាសដល់យុវជនទាំងក្នុង និងក្រៅសាលា នូវឱកាសពង្រឹងសមត្ថភាព ជាពិសេសខាងផ្នែកបច្ចេកវិទ្យា ដើម្បីអាចប្រណាំងប្រជែងបាន សំខាន់គឺការប្រណាំងប្រជែងជាមួយបរទេស៕
