រសៀលថ្ងៃអង្គារ ៨កេីត ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១២ ខែកុម្ភៈ ឆ្នាំ២០១៩ ឯកឧត្តម ទៀ សីហា ភិបាលខេត្តសៀមរាប បានអនុញ្ញាតអោយក្រុមហ៊ុន វីសាន់ ឌីវេឡុបមិន អេឡិចស៊ីធី ជួបសម្តែងការគួរសម និងពិភាក្សាការងារ ការគ្រប់គ្រង និងប្រតិបត្តិការសេវាប្រព័ន្ធភ្លេីងបំភ្លឺសាធារណៈ ក្នុងក្រុងសៀមរាប ដោយមានការចូលរួមពី លោកនាយករដ្ឋាលខេត្ត។
ការពិភាក្សាការងារនេះ រដ្ឋបាលខេត្ត បានផ្តល់សិទ្ធិអោយក្រុមហ៊ុនវីសាន់ ឌីវេឡុបមិន អេឡិចស៊ីធី ធ្វេីការផ្លាស់ប្តូរអំពូលភ្លេីងចាស់ៗ ប្រភេទកម្លាំង ២៥០w ចេញដោយដាក់ជំនួសវិញដោយអំពូលភ្លេីងLED កម្លាំង ១០០w និងអាកាត់បន្ថយពន្លឺបាន ដេីម្បីសន្សំសំចៃថាមពលក្នុងការប្រេីប្រាស់ប្រចាំថ្ងៃ។
កន្លងមកក្រុមវីសាន់ ឌីវេឡុបមិន អេឡិចស៊ីធី បានដាក់អំពូលភ្លេីងបំភ្លឺ ចំនួន ៧ទីតាំង សរុបចំនួន ៣ ១៦៨អំពូល ដែលបានដាក់តាមផ្លូវសំខាន់ៗ ក្នុងក្រុងសៀមរាប សួនច្បារ និងភ្លេីងសញ្ញាចរាចរមួយចំនួនផងដែរ។