នៅថ្ងៃទី ២៧ ខែមីនា រសៀលនេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចុះហត្ថលេខាលើលិខិតមួយចំនួនក្នុងការទទួលទិញថាមពលអគ្គិសនីបន្ថែមពីប្រទេសថៃប្រមាណ ១០០មេហ្គាវ៉ាត់ ,ប្រទេសឡាវ និង ប្រទេសវៀតណាម ចន្លោះពី ៥០-១០០មេហ្គាវ៉ាត់ដើម្បីយកមកផ្គត់ផ្គង់ ក្នុងទីក្រុងភ្នំពេញដែលពេលនេះកំពុងតែខ្វះខាតភ្លើងប្រើប្រាស់ប្រមាណជាង៤០០មេហ្គាវ៉ាត់។នេះបើតាមផេកផ្លូវការរបស់សម្តេចតេជោហ៊ុនសែនបានបញ្ជាក់នៅថ្ងៃទី២៧ខែមីនានេះ។ផេកដដែលបន្តថានៅថ្ងៃស្អែកថ្ងៃទី២៨មីនាសម្តេចតេជោមានគម្រោងជួបជាមួយគណប្រតិភូមកពីប្រទេសតួកគី ដើម្បីចរចារក្នុងការនាំនាវាផ្ទុកម៉ាស៊ីភ្លើងដើរដោយប្រេងខ្មៅចូលរមកាន់រាជធានីភ្នំពេញ ដែលអាចផ្តល់ថាម ពលអគ្គិសនីបានប្រមាណ២០០មេហ្គាវ៉ាត់សម្រាប់ផ្គត់ផ្គង់ភ្លើងរយៈពេលបីឆ្នាំទម្រាំមានអគ្គីសនីគ្របគ្រាន់ប្រើប្រាស់ឡើងវិញ។
សម្តេចតេជោបានបញ្ជាក់នៅក្នុងផេកដដែលថាតាមពិតទៅយើងបានកសាងវារីអគ្គីសនីមួយចំនួនហើយ។ ប៉ុន្តែដោយសារឆ្នាំនេះមានគ្រោះរាំងស្ងួតទើបធ្វើឲ្យខ្វះខាតទឹកផ្តល់ឲ្យទំនប់វារីគ្គិសនីទើបយើងជួបប្រទះបញ្ហានេះតែម្តង។ ទន្ទឹមនឹងនេះដែរ គឺដោយសារវិស័យសំណង់របស់យើងបានកើនឡើងប្រមាណ៧០០ភាគរយបើប្រៀបធៀបនៅខែ មករា និងកុម្ភៈ ឆ្នាំ២០១៨។
ជាថ្មីម្តងទៀត សម្តេចតេជោ ហ៊ុន សែន នាយករដ្ឋមមន្ត្រីនៃកម្ពុជា សុំអំពាវនាវដល់បងប្អូនប្រជាពលរដ្ឋ មេត្តាយោគយល់ ប្រសិនបើមានការដាច់ភ្លើង។ សម្តេចតេជោបានអំពាវនាវដល់អាជីវករលក់ម៉ាស៊ីនភ្លើង សុំកុំដំឡើងថ្លៃខ្ពស់ពេក ដើម្បីសម្រួលដល់ការប្រើប្រាស់ភ្លើងរបស់ប្រជាពលរដ្ឋ៕
