ឯកឧត្តម លឹម គានហោ បានចុះទៅពិនិត្យវឌ្ឍនភាពនៃការងារសាងសង់ប្រព័ន្ធធារាសាស្ត្រលំហាច

បើតាមការរាយការណ៍ពីលោកប្រធានមន្ទីរ និងក្រុមការងារគម្រោងបានឲ្យដឹងថា ការសាងសង់ប្រព័ន្ធធារាសាស្ត្រលំហាច រហូតមកដល់ពេលនេះ សម្រេចបានប្រមាណ៩៧.៥ភាគរយ និងគ្រោងនឹងបញ្ចប់ការងារទាំងស្រុងក្នុងខែមិថុនា ឆ្នាំ២០១៩។ តាមផែនការ ពេលដែលប្រព័ន្ធធារាសាស្រ្តលំហាចសាងសង់រួច នឹងមានលទ្ធភាពស្រោចស្រពលើផ្ទៃដីដាំដុះបានចំនួន ៣២៨៩ ហិកតា នៅរដូវវស្សា និងចំនួន ៣០០ ហិកតា នៅរដូវប្រាំង។

ឯកឧត្តមរដ្ឋមន្រ្តី បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រុមការងារអនុវត្តគម្រោង និងវឌ្ឍនភាពការងារដែលសម្រេចបាន និងបានស្នើឲ្យខិតខំបញ្ចប់ការងារប្រកបដោយគុណភាពស្រប តាមបទដ្ឋានបច្ចេកទេសដែលបានកំណត់។

នាឱកាសនោះផងដែរ ឯកឧត្តមរដ្ឋមន្រ្តី ក៏បានចែកជូនក្រមាដល់បងប្អូនជាកម្មករសំណង់ សម្រាប់ប្រើប្រាស់ក្នុងពេលបំពេញការងារ ក្នុងស្ថានភាពអាកាសធាតុនាពេលបច្ចុប្បន្ន មានសភាពក្តៅហួតហែង និងបានស្នើពួកគាត់ យកចិត្តទុកដាក់ថែរក្សាសុខភាពជាសំខាន់។