រាជធានីភ្នំពេញ ៖ កិច្ចប្រជុំពិនិត្យលើលទ្ធផលសន្និបាតបូកសរុបការងារអប់រំ យុវជន និងកីឡា ឆ្នាំសិក្សា២០១៧-២០១៨ និងលើកទិសដៅការងារ ឆ្នាំសិក្សា២០១៨-២០១៩ ប្រារព្ធឡើងក្នុងគោលបំណងពិនិត្យឡើងវិញ វាយតម្លៃលើរបាយការណ៍សន្និបាត អំពីវឌ្ឍនភាពនៃការអនុវត្តសកម្មភាពគោលនយោបាយ យុទ្ធសាស្ដ្រ កម្មវិធី/អនុវិធីរបស់ផែនការយុទ្ធសាស្ដ្រវិស័យអប់រំក្នុងឆ្នាំសិក្សាកន្លងមកធៀបទៅនឹងចំណុចដៅប្រចាំឆ្នាំ ដែលបានកំណត់ក្នុងផែការយុទ្ធសាស្ដ្រវិស័យអប់រំ និងផែនការប្រត្តិបត្តិប្រចាំឆ្នាំ។
កិច្ចប្រជុំនេះត្រូវបានដឹកនាំដោយផ្ទាល់ដោយ ឯកឧត្តមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា នារសៀលថ្ងៃចន្ទ ១០រោច ខែចេត្រ ឆ្នាំកុរ ឯកស័ក ព.ស.២៥៦២ នៅទីស្ដីការក្រសួងអប់រំ យុវជន និងកីឡា៕
