រាជធានីភ្នំពេញ ៖ ការសង្កេតថ្នាក់និទស្សន៍ ស្ដីពី ការប្រើប្រាស់វិធីសាស្ត្របង្រៀនតាមបែបរិះរក ក្នុងកិច្ចតែងការបង្រៀន ដើម្បីពិនិត្យទៅលើការប្រើប្រាស់វិធីសាស្ត្របង្រៀនតាមបែបរិះរក ដើម្បីឲ្យការបង្រៀនរបស់គ្រូផ្តល់ឪកាសដល់សិស្សរៀនដោយការសង្កេត ពិចារណា វាស់វែងយ៉ាងម៉ត់ចត់ ការបង្កើតសម្មតិកម្ម ការបកស្រាយ និងការសំយោគជាទ្រឹស្ដីរួម ការពិសោធ ការឆ្លុះបញ្ចាំង និងការទទួលស្គាល់ចំណុចខ្លាំងខ្សោយ ដែលជាយុទ្ធវិធីសំខាន់នៃដំណើរការរិះរក។
ឯកឧត្តមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា អមដោយថ្នាក់ដឹកនាំក្រសួង និងមន្ត្រីជំនាញ ចុះសង្កេតថ្នាក់និទស្សន៍ដោយផ្ទាល់ នាថ្ងៃអង្គារ ០២កើត ខែជេស្ឋ ឆ្នាំកុរ ឯកស័ក ព.ស.២៥៦៣ នៅវិទ្យាស្ថានជាតិអប់រំ៕