ព្រឹក ថ្ងៃចន្ទ ១៤កើត ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៥ ខែកក្កដា ឆ្នាំ២០១៩ ឯកឧត្តម ជាវ តាយ អភិបាលនៃគណៈអភិបាលខេត្តកំពត បានដឹកនាំកិច្ចប្រជុំស្តីពីការអនុវត្ត បញ្ហាប្រឈម និងទិសដៅបន្ត លើការផ្តល់សេវារដ្ឋបាលនៅអង្គភាពច្រកចេញ-ចូលតែមួយ នៅសាលប្រជុំសាលាខេត្តកំពត ។
បានអញ្ជើញចូលរួមក្នុងកិច្ចប្រជុំនេះមាន លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត ដែលពាក់ព័ន្ធ នាយក នាយករងរដ្ឋបាលខេត្ត នាយកទីចាត់ការ ប្រធានអង្គភាពចំណុះសាលាខេត្ត អភិបាលក្រុង ស្រុក សរុប ៤៣នាក់។
ឯកឧត្តម អភិបាលខេត្ត បានធ្វេីការបូកសរុប និងដាក់ចេញនូវគោលការណ៍ដែលត្រូវអនុវត្តមួយចំនួនមានជាអាទ៍៖
-រាល់ការស្នេីសុំសេវា ត្រូវអនុវត្តតាមនីតិវិធីអង្គភាពច្រកចេញចូលតែមួយខេត្ត និងការិយាល័យច្រកចេញចូលតែមួយក្រុង ស្រុក។
-មន្ទីរ អង្គភាពពាក់ព័ន្ធត្រូវបញ្ឈប់ការទទួលសេវា ហេីយប្រគល់សេវាមកអនុវត្តនៅអង្គភាពចេញចូលតែមួយខេត្ត។
-ការសាងសង់សំណង់គ្រប់ប្រភេទត្រូវមានច្បាប់អនុញ្ញាត ហេីយត្រូវត្រួតពិនិត្យការសាងសង់ ធានាអោយបានត្រឹមត្រូវតាមលក្ខណៈបច្ចេកទេស។
-ក្រុង ស្រុកត្រូវធ្វេីរបាយការណ៍មកខេត្តអំពីក្រុមហ៊ុនដែលបានជីករណ្តៅដី កាយក្រួសក្រហម និងធ្វេីអាជីវកម្មរ៉ែ ដេីម្បីងាយស្រួលត្រួតពិនិត្យបង់សួយសារចូលថវិកាជាតិ។
ឯកឧត្តម បានកំណត់រយៈពេលបីខែម្តង ដេីម្បីរៀបចំកិច្ចប្រជុំ តាមដានការអនុវត្តនៃការផ្តល់សេវារដ្ឋបាលនៅអង្គភាពច្រកចេញចូលតែមួយខេត្ត និងការិយាល័យច្រកចេញចូលតែមួយក្រុង ស្រុក ទូទាំងខេត្ត៕