ថ្ងៃព្រហស្បតិ៍ ៨កេីតខែស្រាពណ៍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៨ ខែសីហា ឆ្នាំ២០១៩ នៅសាលាខេត្តសៀមរាប លោក ពិន ប្រាកដ អភិបាលរង នៃគណៈអភិបាលខេត្ត និងជាតំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប បានជួបពិភាក្សាការងារជាមួយប្រតិភូអង្គការស្បៀងអាហារពិភពលោក WFP ដឹកនាំដោយ លោកស្រី SOPHIA DUNN និងមានការចូលរួមពី លោកនាករដ្ឋបាលខេត្ត អភិបាលរងក្រុង អនុប្រធានមន្ទីរអប់រំ យុវជន និងកីឡា និងអ្នកពាក់ព័ន្ធសរុបចំនួន ១២នាក់។
ដោយអង្គការកម្មវិធីស្បៀងអាហារពិភពលោក បានផ្ដល់អាហារតាមសាលាបឋមសិក្សា ចំនួន៤៥០ នៅក្នុងខេត្តសៀមរាប ហេីយកម្មវិធីនេះ បានទទួលការឧបត្ថម្ភពីមូលនិធិ McGovern-Dole នៃក្រសួងកសិកម្មសហរដ្ឋអាមេរិក មានរយៈពេល ៣ឆ្នាំ គឺចាប់ពីឆ្នាំ២០១៦-២០១៩ ដោយហេតុថា ឆ្នាំ២០១៩នេះ គឺជសឆ្នាំចុងក្រោយនៃការអនុវត្តកម្មវិធីនេះ ហេីយក៏ជាឆ្នាំត្រូវធ្វេីការវាយតម្លៃបញ្ចប់អណត្តិផងដែរ ។
លោកអភិបាលរងខេត្ត ក្នុងនាមក្រុមប្រឹក្សាខេត្ត គណៈអភិបាលខេត្ត បានថ្លែងអណរគុណលោកស្រីតំណាងអង្គការកម្មវិធីស្បៀងអាហារពិភពលោក និងសហការីទាំងអស់ ព្រមទាំងអ្នកពាក់ព័ន្ធនានា ដែលបានខ្នះខ្នែងក្នុងកិច្ចការសប្បុសនេះ។
ក្នុងកិច្ចពិភាក្សាការងារនេះដែរ លោកស្រីតំណាងអង្គការកម្មវិធីស្បៀងអាហារពិភពលោក ក៏បានសន្យានឹងបន្ដស្វែងរកជំនួយដេីម្បីបន្តជួយឧបត្ថម្ភស្បៀងអាហារដល់កុមារតាមសាលាបឋមសិក្សានៅកម្ពុជារយៈពេល ៥ឆ្នាំទៀត (២០២០-២០២៤) ហេីយក្រសួងអប់រំយុវជន និងកីឡា បានស្នេីសុំថវិកាពីក្រសួងសេដ្ឋកិច្ច និងហិរញ្ញវត្ថុដេីម្បីពង្រីកឲ្យបាន ១៤ខេត្ត ។
សូមបញ្ជាក់ថា បច្ចុប្បន្ននេះអង្គការកម្មវិធីស្បៀងអាហារពិភពលោក WFP បានជួយឧបត្ថម្ភអាហារតាមសាលាបឋមសិក្សាចំនួន ៤ខេត្ត គឺសៀមរាប បាត់ដំបង និងខេត្តកំពង់ធំ៕