សម្តេចតេជោ ហ៊ុន សែន គាំទ្រ និងលើកទឹកចិត្តដល់ធនធានកម្ពុជាពូកែៗអោយសម្រេចបានការសិក្សាជ្រៅជ្រះទាំងនៅក្នុងនិងក្រៅប្រទេស

ពេលនេះ គីម ហុង អាយុបាន ១០ឆ្នាំ ហើយ ហើយកំពុងចូលរៀនថ្នាកទី១០ នៅសាលាប៊ែលធីអន្តរជាតិសាខាស្ទឹងមនាជ័យ។ សម្តេចតេជោ បានមានប្រសាសន៍ថា កម្ពុជាយើងកំពុងរកឃើញធនធានមនុស្សពូកែល្អៗ ដែលយើងត្រូវតែពិនិត្យតាមដានតម្រែតម្រង់ទិសដៅជាប្រចាំដើម្បីភាពជោគជ័យរបស់ពួកគេ ក្នុងនោះរួមទាំងនិស្សិតឈ្មោះ ហុង ភារិន ដែលមានការចងចាំដ៏អស្ចារ្យបំផុតដែលកាលពីពេលថ្មីៗនេះបានធ្វើអោយមានការភ្ញាក់ផ្អើលយ៉ាងខ្លាំងទាំងនៅក្នុងប្រទេសថៃ និងកម្ពុជា។ ហុង ភារិន នឹងបញ្ចប់ការសិក្សានៅក្នុងរយៈពេល១ឆ្នាំទៀតនៅប្រទេសថៃ បន្ទាប់មកភារិនមានបំណងទៅសិក្សានៅប្រទេសក្រៅ។ សម្តេចតេជោនាយករដ្ឋមន្រ្តី បានពិភាក្សាជាមួយក្រសួងអប់រំហើយនឹងបញ្ជូននិស្សិត ហុង ភារិន ទៅសិក្សានៅទីនោះសម្រេចតាមបំណងប្រាថ្នា។

សម្តេចតេជោ ហ៊ុន សែន តែងតែយកចិត្តទុកដាក់ជំរុញ និងលើកទឹកចិត្តដល់ការអប់រំបណ្តុះបណ្តាលធនធានមនុស្សប្រកបដោយគុណភាពដែលជាអាទិភាពសំខាន់ទី១ និងជាសេចក្តីត្រូវការចាំបាច់របស់ប្រទេសជាតិ។ សម្តេចតេជោ ក៏បានលើកទឹកចិត្តអោយឪពុកម្តាយ អាណាព្យាបាល និងលោកគ្រូអ្នកគ្រូចូលរួមលើកទឹកចិត្តនិងជំរុញដល់ការបណ្តុះបណ្តាលកូនចៅអោយទទួលបានចំណេះដឹងនៅគ្រប់ទីកន្លែងទូទាំងប្រទេស៕