រាជធានីភ្នំពេញ ៖ កម្មវិធីផ្សព្វផ្សាយរបាយការណ៍និរន្តរភាព ប្រចាំឆ្នាំ២០១៨ របស់ក្រុមហ៊ុន Smart Axiata ក្នុងគោលបំណងបង្ហាញសមិទ្ធផលប្រកបដោយនិរន្តរភាពសម្រាប់អនាគត និងសមិទ្ធផលសង្គម ដែលក្រុមហ៊ុនស្មាតបានចូលរួមកន្លងមកក្នុងប្រតិបត្តិការខួប១០ឆ្នាំ។
កម្មវិធីផ្សព្វផ្សាយរបាយការណ៍ នេះត្រូវបានប្រារព្ធឡើងក្រោមអធិបតីភាព ឯកឧត្តមបណ្ឌិតសភាចារ្យ ហង់ជួនណារ៉ុន រដ្ឋមន្ត្រីក្រសួងអប់រំយុវជននិងកីឡា និង ឯកឧត្ដមត្រាំអីុតឹក រដ្ឋមន្រ្តីក្រសួងប្រៃសណីយ៍និងទូរគមនាគមន៍ មន្រ្តីតំណាងពីក្រសួងទាំង២ ស្ថានទូតនៃប្រទេសម៉ាឡេស៊ី ក្រសួងសេដ្ឋកិច្ច និងហិរញ្ញវត្ថុ អង្គការដៃគូសភាពាណិជ្ជកម្ម អ្នកសាងសង់ប្រព័ន្ធអេកូឡូស៊ី និស្សិតសាកលវិទ្យាល័យ និងបុគ្គលិកក្រុមហ៊ុន Smart។
គួររំលឹកផងដែរថា កាលពីឆ្នាំមុន ក្រុមហ៊ុនSmartបានចុះអនុស្សរណៈយោគយល់គ្នាជាមួយក្រសួងអប់រំយុវជននិងកីឡា និងក្រសួងប្រៃសណីយ៍និងទូរគមនាគមន៍ ដើម្បីអភិវឌ្ឍអ្នកមានទេពកោសល្យផ្នែកឌីជីថលរបស់ព្រះរាជាណាចក្រកម្ពុជា ៕