នៅព្រឹកថ្ងៃទី២៣ខែវិច្ឆិកាឆ្នាំ២០១៩រដ្ឋបាលខេត្តរតនគិរី បានប្រារព្វទិវាអនាម័យបរិស្ថានជាតិ២៣ខែវិច្ឆិកា ឆ្នាំ២០១៩ក្រោមប្រធានបទ” ភូមិស្អាតសុខភាពល្អ ក្រោមអធិបតីភាឯកឧត្តម
នេត្រ ភក្ត្រា រដ្ឋលេខាធិការក្រសួងបរិស្ថាន ឯកឧត្តម ណាប់
ប៊ុនហេង ប្រធានក្រុមប្រឹក្សាខេត្ត និង ឯកឧត្តម ថង សាវុន អភិបាលខេត្តរតនគិរី។
កម្មវិធីនេះមានកិច្ចសហការរៀបចំដោយមន្ទីរបរិស្ថានខេត្ត និងមានការចូលរួមថ្នាក់ដឹកនាំ មន្រ្តីរាជការ កងកម្លាំង អាជ្ញាធរដែនដី សិស្សនិស្សិត យុវជន និងប្រជាពលរដ្ឋចូលរួមជាច្រើនកុះករ។
ឯកឧត្តម ថង សាវុន មានប្រសាសន៍ថាការរៀបចំពិធីនេឡើង
មានគោលបំណងបណ្តុះគំនិតប្រជាពលរដ្ឋឱ្យចេះស្រលាញ់បរិស្ថាន ធ្វើឲ្យបរិស្ថានស្អាត គ្មានសំរាមពាសវាលពាសកាល បណ្តុះគំនិតស្មារតី ឲ្យមហាជនទូទៅមានការយល់ដឹងនិងការទុកដាក់សំរាមឱ្យបានត្រឹមត្រូវ ដើម្បីលើកកម្ពស់សោភ័ណ
ភាព អនាម័យ ផាសុខភាព ជាកន្លែងដែលចង់រស់នៅទាំងអង្គ
ភាពរដ្ឋ វិស័យឯកជនទូទៅ ដែលជាការរួមចំណែកក្នុងការអភិវឌ្ឍសេដ្ឋកិច្ចជាតិផងដែរ ពិសេសស្របពេល ដែលរដ្ឋ
បាលខេត្តរតនគិរីបាននឹងកំពុងជម្រុញឲ្យប្រជាពលរដ្ឋចូលរួមថែរក្សាអនាម័យបរិស្ថាន រួមទាំងការកែលម្អសោភ័ណភាពនៅទីរួមខេត្តនិងគ្រប់ទីកន្លែង។ឯកឧត្តមអភិបាលខេត្តបញ្ជាក់ថា៖យើងទាំងអស់គ្នាចូលរួមថែរក្សាអនាម័យល្អបរិស្ថានល្អ សេវា
កម្មល្អ គឺអាចទាក់ទាញភ្ញៀវជាតិអន្តរជាតិចូលមកក្នុងខេត្តរបស់យើងត្រូវរកចំណូលបានស្រមតាមគោលនយោបាយរបស់រាជរដ្ឋាភិបាលកម្ពុជាលើកកម្ពស់វិស័យទេសចរណ៍។
ថ្លែងក្នុងពិធីនេះ ឯកឧត្តមរដ្ឋលេខាធិការក្រសួងបរិស្ថានបានលើឡើងថាទិវាបរិស្ថានជាតិនិងបរិស្ថានពិភពលោក ត្រូវបានបណ្តាប្រទេសមួយចំនួនលើពិភពលោក បានប្រារព្ធធ្វើដំបូងកាលពីឆ្នាំ១៩៧៤ ហើយប្រទេសកម្ពុជា បានចេញអនុក្រឹត្យឲ្យប្រារព្ធទិវានេះកាលពីឆ្នាំ១៩៩៦ នោះ ត្រូវបានគេប្រារព្ធធ្វើ
ឡើងតាមវិធីសាស្ត្រ ឬទម្រង់ផ្សេងៗគ្នា ដែលសកម្មភាពទាំង
នោះ រួមមាន ការជួបជុំគ្នានៅទីតាមទីសាធារណៈ ការដើរក្បួន ការប្រគុំតន្ត្រី ការដាំដើមឈើ យុទ្ធនាការសម្អាតនិងស្តារបរិស្ថាន និងសកម្មភាពផ្សេងៗជាច្រើនទៀត។
សម្រាប់នៅកម្ពុជា នាឆ្នាំ២០១៩ នេះ ក្រសួងបរិស្ថាន បានប្រារព្ធទិវាបរិស្ថានជាតិ និងបរិស្ថានពិភពលោក នៅក្រុងបានលុង ខេត្តរតនគិរី ក្រោមប្រធានបទ «ភូមិស្អាតសុខភាពល្អ» ក្នុងគោលបំណង ចលនាឲ្យប្រជាពលរដ្ឋ ព្រះសង្ឃ កងកម្លាំងប្រដាប់អាវុធ មន្រ្តីរាជការគ្រប់លំដាប់ សិស្ស និស្សិតគ្រប់ភូមិ និងប្រជាពលរដ្ឋចូលរួមធ្វើអនាម័យសម្អាតទីក្រុង ទីប្រជុំជន សំដៅរួមចំណែកកសាងសង្គមកម្ពុជាមានបរិស្ថានស្អាតនិងស្រស់បំព្រង ។
ឯកឧត្តម នេត្រ ភក្រ្តា បានជម្រុញឲ្យមហាជនទូទៅ ត្រូវយកចិត្តទុកដាក់លើកកម្ពស់ការយល់ដឹងបន្ថែមទៀតពី ស្ថានធ្ងន់ធ្ងរនៃសំរាមដែលចេះតែកើនឡើងពីមួយថ្ងៃទៅមួយថ្ងៃ ជាពិសេស ត្រូវលើកកម្ពស់ការយល់ដឹងជាសាធារណៈអំពីការប្រើប្រាស់ គ្រប់គ្រង ការវេចខ្ចប់ ការញែកសំណល់សំរាម ក៏ដូចជាផលប៉ះពាល់ជាវិជ្ជមានផ្សេងៗ ដែលបណ្តាលមកពីកាក សំណល់ ទឹកកខ្វក់ សំរាមប្លាស្ទិក និងសំណល់គ្រោះថ្នាក់ផ្សេងៗ ដែលវាធ្វើឲ្យមាន ផលប៉ះពាល់ដ៏យូរអង្វែងដល់បរិស្ថាន ។
ឯកឧត្តម ក៏បានធ្វើការអំពាវនាវដល់ ប្រជាពលរដ្ឋក្នុងខេត្តរតនគិរីទាំងមូល ជាពិសេសប្រជាពលរដ្ឋដែលរស់នៅក្នុង ក្រុងបានលុងត្រូវមានស្មារតី ម្ចាស់ការក្នុងការធ្វើអនាម័យ និងសំអាតតាមគេហដ្ឋានរៀងៗ ខ្លួនព្រមទាំងយកចិត្តក្នុងការគ្រប់គ្រងសំរាមអោយបានត្រឹមត្រូវ ដើម្បីឲ្យទីក្រុងបានលុង មានបរិស្ថានស្អាត មានភាពបៃតងស្រស់ ឲ្យស្របទៅនិងប្រធានបទ រួមគ្នាដើម្បី បរិស្ថានស្អាត និងទិសស្លោក ទីក្រុងស្អាត រមណីយដ្ឋានស្អាត សេវាល្អ ហើយតាមរយៈនៃ ទិវាអនាម័យបរិស្ថានជាតិនាពេលនេះនិងប្រែក្លាយទៅជាសកម្មភាពឲ្យយើងទាំងអស់ គ្នាបានយល់ដឹងពីករណីកិច្ចរបស់ខ្លួនចំពោះបរិស្ថាន និងត្រូវចាត់ទុកបញ្ហាបរិស្ថាន ជាបញ្ហារួមរបស់យើងទាំងអស់គ្នាដើម្បីជម្រុញឆន្ទៈរបស់ខ្លួនដើម្បីបុព្វហេតុបរិស្ថានជាតិ។
សូមបញ្ជាក់ថា ក្នុងទិវាអនាម័យបរិស្ថានជាតិដែលរដ្ឋបាលខេត្តប្រារព្វធ្វើឡើង នាពេលនេះគឺមានការបែងចែកជាក្រុមរើសសំរាមតាមគោលដៅដងផ្លូវសំខាន់ៗក្នុងទីក្រុង បានលុងនេះផងដែរ ៕
