ពិធីបិទការប្រកួតកីឡាទូកប្រពៃណីខ្នាតអន្តរជាតិ “ទូកនាគ” ទូកកានូ-កាយ៉ាក់ ជ្រើសរើសជើងឯកភូមិភាគនិរតី ពានរង្វាន់សម្ដេចក្រឡាហោម ស ខេង លើកទី២

ខេត្តតាកែវ៖ ឯកឧត្តម នាយឧត្តមនាវី ទៀ វិញ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងទឹក អគ្គលេខាធិការ នៃគណៈកម្មាធិការជាតិសន្តិសុខលម្ហសមុទ្រ និងជាអនុប្រធាន សហព័ន្ធកីឡាទូកការនូ-កាយ៉ាក់ និងរ៉ូអុីងកម្ពុជា តំណាងដ៏ខ្ពង់ខ្ពស់សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅរសៀលថ្ងៃពុធ ១២កើត ខែមាឃ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៥ ខែកុម្ភៈ ឆ្នាំ២០២០ ព្រមទាំង ឯកឧត្តម លោកជំទាវ ប្រតិភូអមដំណើរជាច្រើនរូប បានអញ្ជើញចូលរួមពិធីបិទ ការប្រកួតកីឡាទូកប្រពៃណីខ្នាតអន្តរជាតិ “ទូកនាគ” ទូកកានូ-កាយ៉ាក់ ជ្រើសរើសជើងឯកភូមិភាគនិរតី ពានរង្វាន់សម្ដេចក្រឡាហោម ស ខេង លើកទី២ នៅទន្លេបាទី ក្នុងស្រុកបាទី ខេត្តតាកែវ ដែលកម្មវិធីនេះក៏មានការអញ្ជើញចូលរួមដោយ ឯកឧត្តម អ៊ូច ភា អភិបាលនៃគណៈអភិបាលខេត្តតាកែវ ឯកឧត្តម យស ណាស៊ី ប្រធានក្រុមប្រឹក្សាខេត្ត លោក លោកស្រីអភិបាលរងខេត្ត លោក លោកស្រី​ ប្រធានមន្ទីរអង្គភាពជុំវិញខេត្ត កងកំលាំងប្រដាប់អាវុធទាំង ៣ប្រភេទ លោកអភិបាលក្រុងស្រុកទាំង ១០ និងលោក លោកស្រី ប្រតិភូ គ្រូបង្វឹក កីឡាករកីឡាការិនី មន្រ្តីរាជការ អ្នកមុខ អ្នកការ បងប្អូនប្រជាពលរដ្ឋ យ៉ាងច្រើនកុះករផងដែរ។ ក្នុងឱកាសនោះដែរ លោក ឧត្តមសេនីយ៍ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ បានរៀបចំកម្លាំងនគរបាលខេត្ត ស្រុក.ក្រុងសហការជាមួយកម្លាំងពាក់ព័ន្ធ ការពារសន្តិសុខ សណ្ដាប់ធ្នាប់ សុវត្ថិភាព នៅពេលប្រារព្ធពិធីនេះផងដែរ។