កាលពីរសៀលថ្ងៃសៅរ៍ ទី០៨ ខែកុម្ភៈ ឆ្នាំ២០២០ ឯកឧត្តម ថង សាវុន អភិបាល នៃគណៈអភិបាលខេត្តរតនគិរី រួមនឹងមន្រ្តីរាជការជាថ្នាក់ដឹកនាំមន្ទីរអង្គភាពជុំវិញខេត្ត បានអញ្ជើញចូលរួមក្នុងការប្រារព្ធ ពិធីបុណ្យមាឃបូជា ដែលរៀបចំឡើងនៅវត្តឥសានរតនារាម ហៅវត្តភ្នំស្វាយ ស្ថិតក្នុងភូមិភ្នំស្វាយ សង្កាត់បឹងកន្សែង ក្រុងបានលុង។
កម្មវិធីបុណ្យបានប្រព្រឹត្តទៅតាមកន្លងប្រពៃណីព្រះពុទ្ធសានា មានការថ្វាយទៀនធូបចំពោះព្រះពុទ្ធរូប ការសូត្រមន្តចម្រើនព្រះបរិទ្ធ និងការសម្តែងព្រះទេសនាជាដើម។ លុះព្រឹកឡើងថ្ងៃ
១រោជត្រូវនឹងថ្ងៃទី៩ខែឆ្នាំដដែលឯកឧត្តមអភិបាលខេត្តរួម និងមន្រ្តីរាជការ និងពុទ្ធបរិស័ទបាននាំយកទេយ្យទាន និងគ្រឿងឧបភោគបរិភោគរាប់បាត្រប្រគេនព្រះសង្ឃឧទ្ទិសជូនដល់ដួងវិញ្ញាណក្ខន្ធបុព្វការីជនមានមាតាបិតាញាតិការទាំង៧សន្តាន ជាពិសេសដួងវិញ្ញាណក្ខន្ធឯកឧត្តមនាយឧត្តមសេនីយ៍ព្រឹទ្ធាចារ្យ ប៊ូ ថង ឯកឧត្តមនាយឧត្តមសេនីយ៍ព្រឹទ្ធាចារ្យ ស៉ើយ កែវ សូមអញ្ជើញមកទទួលយកនូវអត្ថមនុញ្ញផលដែលកើតឡើងពីសទ្ធាជ្រះថ្លាដែលកូនចៅ មន្រ្តីរាជការទាំងអស់បានឧទ្ទិសជូននាពិធីបុណ្យ មាឃបូជានេះ។
