អភិបាលខេត្តរតនគិរី បានចាត់ទុកបងប្អូនស្ត្រីគ្រប់រូប មាន តួនាទីយ៉ាងសំខាន់ ក្នុងការអភិវឌ្ឍ នៅក្នុងក្រុមគ្រួសារ និង សង្គមេជាតិហើយជាឆ្អឹងខ្នងសេដ្ឋកិច្ចក្នុងគ្រួសារ

ឯកឧត្តម ថង សាវុន បានធ្វើសំណូមដល់បងប្អូនស្ត្រីទាំង
អស់ ឲ្យខិតខំក្នុងការអភិវឌ្ឍនូវសមត្ថភាពរបស់ខ្លួន ដើមី្បចូលរួមក្នុងកិច្ចការ សង្គមជាតិ សំខាន់ឲ្យក្លាយខ្លួនជាអ្នកដឹក
នាំដ៏ល្អក្នុងសង្គមជាតិកាន់តែប្រសើរឡើង និង កាន់តែមានភាពផុលផុសជាងមុនដែលកត្តាទាំងនេះហើយ ធ្វើឲ្យបងប្អូនស្ត្រីយើងគ្រប់រូប ត្រូវមានស្មារតីចូលរួមក្នុងការថែរក្សា ការពារសន្តិភាព ព្រមទាំងធ្វើការប្រឆាំងដាច់ខាត នូវរាល់ឧបាយកល លិ្បចបោកបញ្ឆោតរបស់ក្រុមជនណា ដែលមានមហិច្ឆិតា ក្នុងការប៉ង់ប៉ងបំផ្លាញនូវសន្តិភាព នៅ កម្ពុជា ដែលសម្តេចតេជោ ហ៊ុន សែន នាយករដ្ឋមន្ត្រី បានខិតខំប្រឹងប្រែង ស្វែងរកទាំងលំបាកអស់រយៈពេលជាច្រើន ឆ្នាំមកនោះ ។

ឯកឧត្តមអភិបាលខេត្តបានលើកពីប្រធានបទ «មានសន្តិភាព មានការលើកកម្ពស់សមភាពយេនឌ័រ» ក្នុងគោលបំណងបន្តរំលេចពីតម្លៃនៃសន្តិភាព និងការលើកកម្ពស់សមភាពយេនឌ័រជាពិសេស វប្បធម៌អហិង្សាដែលរាជរដ្ឋាភិបាលបាន នឹងកំពុងគាំទ្រជម្រុញ ឲ្យមានការចូលរួមពីគ្រប់ស្ថាប័ន រួមទំាងបុរសទាំងស្រ្តី ដើម្បីវឌ្ឍនភាពសង្គមឆ្ពោះទៅលើកកម្ពស់សិទ្ធិ ស្ថានភាព ជីវភាព ឋានៈ តួនាទីរបស់ស្ត្រី ក៏ដូចជាសុខមាល
ភាពសង្គម ដោយធ្វើការទប់ស្កាត់ និងកាត់បន្ថយអំពើហិង្សា ព្រមទាំងដោះស្រាយជម្លោះនានាដោយសន្តិវិធី។

ក្នុងនោះដែរឯកឧត្តម បានគូសបញ្ជាក់ថា កម្ពុជានាពេលបច្ចុប្បន្ននេះ បានកំពុងឆ្ពោះទៅមុខ លើកិច្ចអភិវឌ្ឍន៍រីកចម្រើនលើគ្រប់វិស័យ ជាក់ស្តែងនៅក្នុងភូមិសាស្ត្រនៃខេត្តរតនគិរីគ្រប់ហេដ្ឋារចនាសម្ព័ន្ធលើគ្រប់វិស័យ មានការរីកចម្រើនតាំង
ពីទីប្រជុំជន ទៅដល់ ជនបទ ទាំងផ្លូវ ទឹក ភ្លើង មណ្ឌលសុខ
ភាព សាលារៀន ។​ល។ ដែលសមិទ្ធិផលនេះស្តែងចេញមកពីកត្តាសន្តិភាព និង សន្តិសុខនៃព្រះរាជាណាចក្រកម្ពុជាយើង
ផងដែរ ។ ការរក្សាបានសន្តិភាព ស្ថិរភាពនយោបាយ និងសន្តិសុខរឹងមាំ បានធានាឲ្យកម្ពុជា បន្តសម្រេចបានលទ្ធផលធំៗថ្មីៗទៀត ក្នុងដំណើរការ អភិវឌ្ឍន៍សេដ្ឋកិច្ចគ្រួសារសង្គម និងកែលំអរ ជីវភាពរស់នៅរបស់ប្រជាជន ដែលធ្វើឲ្យសេដ្ឋកិច្ចកម្ពុជាបានសម្រេចកំណើនយ៉ាងឆាប់រហ័ស។​

ក្នុងឱកាសនេះឯកឧត្តម ថង សាវុន និងលោកជំទាវបានផ្តល់នូវវត្ថុអនុស្សាវរីយ៍ ជូនដល់បងប្អូននារី ក្នុងម្នាក់ៗ ទទួលបានក្រណាត់ហូល​,ផាមួងក្នុងម្នាក់១ក្បិន និងថវិកា១០០.០០០
រៀល(មួយរយពាន់រៀល) ផងដែរ ៕