(ភ្នំពេញ) ៖ ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការប្រយុទ្ធប្រឆាំងនឹងជំងឺកូវីដ១៩ (Covid-19) ដែលបាននឹងកំពុងរីករាលដាលនៅព្រះរាជាណាចក្រកម្ពុជា នៅថ្ងៃទី០៣ ខែមេសា ឆ្នាំ២០២០ ឯកឧត្ដម ង៉ូវ បូរីណា អគ្គនាយរង នៃអគ្គនាយកដ្ឋានកិច្ចការរដ្ឋបាលទូទៅ ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានចូលរួមបរិច្ចាគប្រាក់បៀវត្សន៍ចំនួន (៥០០,០០០រៀល) ប្រាំរយពាន់រៀល ចំនួន៤ខែជូនគណៈកម្មការជាតិប្រយុទ្ធប្រឆាំងជំងឺកូវីដ១៩ (Covid-19) ក្នុងបេសកកម្មចាំបាច់ចំពោះមុខនេះ។
ក្នុងនោះផងដែរ ឯកឧត្ដមអគ្គនាយករង សូមឲ្យប្រជាពលរដ្ឋខ្មែរទូទាំងប្រទេស សូមថែរក្សាសុខភាព អនាម័យលាងដៃជាមួយសាប៊ូ ឬទឹកអាកុល ពាក់ម៉ាស់ ឬកន្សែង ជៀសវាងការឆ្លងជំងឺកូវីដ១៩ (Covid-19)។ ប្រសិនបើមិនមានការបង្ការ-ទប់ស្កាត់អោយបានល្អប្រសេីរនោះឡេីយ ក្ដីបារម្ភមិនមែនជាមធ្យោបាយដ៏ល្អនោះទេ អាស្រ័យលេីការរស់នៅស្អាត ហូបចុកស្អាត មានអនាម័យល្អ មិនត្រូវជឿលេីព័ត៌មានណាដែលមិនមែនជាការពិត ដែលធ្វេីអោយបងប្អូនប្រជាពលរដ្ឋមានការភ័យខ្លាចហួសហេតុនោះទេ។
ឯកឧត្ដមអគ្គនាយរង ក្រើនរំលឹកប្រជាពលរដ្ឋ សូមតាមដានព័ត៌មានពីរប្រភព Page ក្រសួងសុខាភិបាល ដែលមានតួនាទីធ្វេីការចែករំលែកផ្សព្វផ្សាយគ្រប់ព័ត៌មានពាក់ព័ន្ធបញ្ហាជំងឺកូវីដ១៩ (Covid-19) នៅក្នុងប្រទេសកម្ពុជា៕