ឧត្តមសេនីយ៍ឯក​ ឡាយ​ គឹ​ម​លី​ សំណូមពរ​ដល់​អាជ្ញាធរ​ពាក់ព័ន្ធ​ក្រុង​ប៉ោយ​ប៉ែ​ត​ឲ្យ​បន្ត​យកចិត្តទុកដាក់​ ណែនាំ​ តាមដាន​ គ្រួសារ​បងប្អូន​ប្រជាពលរដ្ឋ​កំពុង​ជួប​ការ​លំបាក​


​បន្ទាយ​មាន​ជ័យ​៖​ នា​ព្រឹក​ថ្ងៃ​ទី​១៦​ ខែមេសា​ ឆ្នាំ​២០២០​ អនុវត្ត​តាម​អនុសាសន៍​ណែនាំ​ដ៏​ខ្ពង់ខ្ពស់​របស់​ ឯកឧត្តម​ នាយ​ឧត្តមសេនីយ៍​ កែ​ គឹ​ម​យ៉ា​ន​ ឧបនាយករដ្ឋមន្ត្រី​ ប្រធាន​ក្រុមការងារ​រាជរដ្ឋាភិបាល​ ចុះ​មូលដ្ឋាន​ខេត្តបន្ទាយមានជ័យ​ ឯកឧត្តម​ ឧត្តមសេនីយ៍ឯក​ ឡាយ​ គឹ​ម​លី​ អនុប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន​ក្រុង​ប៉ោយ​ប៉ែ​ត​ តំណាង​ ឯកឧត្តម​ នាយ​ឧត្តមសេនីយ៍​ ជួន​ សុវណ្ណ​ ប្រធាន​ក្រុមការងារ​រាជរដ្ឋាភិបាល​ ចុះ​មូលដ្ឋាន​ក្រុង​ប៉ោយ​ប៉ែ​ត​ បាន​ដឹកនាំ​កិច្ចប្រជុំ​ ពិនិត្យ​ វឌ្ឍនភាព​ ការងារ​ ប្រយុទ្ធ​នឹង​ជំងឺ​កូ​វី​ដ​១៩​ នៅ​ក្រុង​ប៉ោយ​ប៉ែ​ត​។​

​ថ្លែង​ក្នុង​នាម​ប្រធាន​ ក្រុមការងារ​រាជរដ្ឋាភិបាល​ចុះ​មូលដ្ឋាន​ក្រុង​ប៉ោយ​ប៉ែ​ត​ និង​ខេត្តបន្ទាយមានជ័យ​ ឯកឧត្តម​ ឧត្តមសេនីយ៍ឯក​ ឡាយ​ គឹ​ម​លី​ បាន​ពាំនាំ​ការ​សួរសុខទុក្ខ​ ថ្លែងអំណរគុណ​ និង​កោតសរសើរ​ ចំពោះ​រដ្ឋបាល​ក្រុង​ អាជ្ញា​ធរមាន​ សមត្ថកិច្ច​ពាក់ព័ន្ធ​ទាំងអស់​ដែល​បាន​ខិតខំ​ប្រឹងប្រែង​រួម​គ្នា​ ក្នុង​ការ​អប់រំ​ ផ្សព្វផ្សាយ​ណែនាំ​ដល់​បងប្អូន​ប្រជាពលរដ្ឋ​ឲ្យ​ប្រជាពលរដ្ឋ​យើង​ចូលរួម​អនុវត្តន៍​នូវ​រាល់​វិធាន​ការពារ​ការ​ឆ្លង​ជំងឺ​កូ​វី​ដ​១៩​ តាម​រយៈកាល​រស់នៅ​ដោយ​អនាម័យ​ជាដើម​។​ ល​។​

​ជាមួយ​គ្នា​នេះ​ឯកឧត្តម​ ឧត្តមសេនីយ៍ឯក​ ឡាយ​ គឹ​ម​លី​ ក៏​បាន​សំណូមពរ​ឱ្យ​រដ្ឋបាល​ក្រុង​ អាជ្ញា​ធរមាន​សមត្ថកិច្ច​ទាំងអស់​ត្រូវ​បន្ត​យកចិត្តទុកដាក់​ណែនាំ​ តាមដាន​ ពិនិត្យ​មើល​ស្ថានភាព​រស់នៅ​របស់​បងប្អូន​ប្រជាពលរដ្ឋ​ គ្រួសារ​បងប្អូន​ប្រជាពលរដ្ឋ​ដែល​កំពុង​ ជួប​ ការ​លំបាក​ ព្រមទាំង​បងប្អូន​ ប្រជាពលរដ្ឋ​ ដែល​វិល​ត្រលប់​មក​ពី​ក្រៅប្រទេស​ ជា​ពិសេស​បងប្អូន​ពលករ​ដែល​ត្រលប់​ពី​ធ្វើការ​នៅ​ប្រទេស​ថៃ​ ត្រូវ​ចុះ​ណែនាំ​ពួក​គាត់​ដល់​ខ្នង​ផ្ទះ​ កុំ​ដើរ​ចេញ​ក្រៅ​ជួបជុំ​មនុស្ស​ច្រើន​ ដោយ​ដាក់ខ្លួន​ឱ្យ​នៅ​ដាច់​ដោយឡែក​ចំនួន​១៤​ថ្ងៃ​។​

​ជាមួយ​គ្នា​នេះ​ដែរ​ឯកឧត្តម​ ឧត្តមសេនីយ៍ឯក​ ឡាយ​ គឹ​ម​លី​ បាន​នាំ​យក​អំណោយ​របស់​ឯកឧត្តម​ ឧបនាយករដ្ឋមន្ត្រី​ កែ​ គឹ​ម​យ៉ា​ន​ និង​ក្រុមការងារ​រាជរដ្ឋាភិបាល​ចុះ​មូលដ្ឋាន​ក្រុង​ប៉ោយ​ប៉ែ​ត​ដើម្បី​ចូលរួម​បង្ការ​ ទប់ស្កាត់​ការ​រីក​រាលដាល​នៃ​ជំងឺ​កូ​វី​ដ​១៩​ មាន​អង្ករ​ ចំនួន​ ៥​តោន​ និង​ខិត្តប័ណ្ណ​២០០០​សន្លឹក​ ចែក​ជូន​ដល់​៖

១.​រដ្ឋបាល​ក្រុង​ប៉ោយ​ប៉ែ​ត​ ទទួល​បាន​អង្ករ​២​តោន​ និង​ខិតប័ណ្ណ​២០០០​សន្លឹក​

២.​សង្កាត់​ទាំង​៣​ ក្នុង​១​សង្កាត់ៗ​ទទួល​បាន​អង្ករ​១​តោន​ ៕