នៅថ្ងៃចន្ទ ៦កើត ខែពិសាខ ឆ្នាំជូត ទោស័ក ព.ស ២៥៦៣ ត្រូវនឹងថ្ងៃទី២៧ ខែមេសា ឆ្នាំ២០២០ ឯកឧត្តម ថោ ជេដ្ឋា រដ្ឋលេខាធិការ ក្រសួងធនធានទឹក និងឧតុនិយម និងជាប្រធានមុខព្រួញទទួលបន្ទុកខេត្តត្បូងឃ្មុំ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប និងមន្រ្តីជំនាញមន្ទីរធនធានទឹក និងឧតុនិយមខេត្តត្បូងឃ្មុំ បានចុះពិនិត្យ និងសិក្សាកំណត់ទីតាំងនិយាមកា ៖
១.តំបន់មាត់ច្រាំងទន្លេមេគង្គម្តុំស្ពានគីហ្សូណា ស្ថិតក្នុងឃុំទន្លេបិទ ស្រុកត្បូងឃ្មុំ
២.តំបន់ផ្លូវទឹកចេញអូរធម្មជាតិអូរអណ្តូងស្វាយ ស្ថិតក្នុងឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ
ការចុះសិក្សាកំណត់ទីតាំងនិយាមកាក្នុងគោលបំណងទប់ស្កាត់ការរំលោភ និងទន្រ្ទានយកដីចំណីទន្លេ និងដីចំណីអូរធម្មជាតិធ្វើជាកម្មសិទ្ធិឯកជន។
ជាលទ្ធផល ឯកឧត្តមរដ្ឋលេខាធិការ និងឯកឧត្តមអនុប្រធានអាជ្ញាធរទន្លេសាប បានពន្យល់ណែនាំ និងផ្តល់អនុសាសន៍ដល់អាជ្ញាធរដែនដី និងមន្ទីរជំនាញដូចខាងក្រោម ៖
-ចុះធ្វើការសិក្សា និងកំណត់និយាមកាចំណីទន្លេមេគង្គតំបន់ស្ពានគីហ្សូណាស្របតាមអនុក្រឹត្យលេខ ៩៨អនក្រ.បក ចុះថ្ងៃទី២៤ ខែកក្កដា ឆ្នាំ២០១៥ ស្តីពីការគ្រប់គ្រងអាងទន្លេរបស់រាជរដ្ឋាភិបាលកម្ពុជា
-រៀបចំផែនការស្តារអូរធម្មជាតិ អូរអណ្តូងស្វាយដែលមានប្រវែងប្រមាណ ៥.០០០ម៉ែត្រ មានមាត់លើចន្លោះពី១០-១៥ម៉ែត្រ ជម្រៅ ២,៥ម៉ែត្រ និងបាតក្រោមយ៉ាងហោចណាស់ ៣,០ម៉ែត្រ ដើម្បីរក្សាផ្លូវទឹកធម្មជាតិ និងបង្វែរទឹកចូលអាងស្តុកទឹកតាវ៉ាន់ ៕