មន្ត្រីបច្ចេកទេសនៃក្រសួងធនធានទឹក និងឧតុនិយម សហការជាមួយក្រុមការងារមន្ទីរធនធានទឹក និងឧតុនិយមខេត្តកំពត​ បានចុះអន្តរាគមន៍បូមទឹកសង្រ្គោះស្រូវ​វស្សាដែលកំពុងខ្វះខាតទឹកជូនប្រជាពលរដ្ឋ​ចំនួន ០៥ភូមិ​


នៅថ្ងៃពុធ ១០រោច​ ខែអាសាឍ ឆ្នាំជូត​ ទោស័ក ព.ស ២៥៦៤ ត្រូវនឹងថ្ងៃទី១៥ ខែកក្កដា​ ឆ្នាំ២០២០ លោក​ តាំង​ សុផាត​ អគ្គនាយករងកិច្ចការបច្ចេកទេស​ និងជាប្រធានមុខព្រួញទទួលបន្ទុកខេត្តកំពត និងមន្ត្រីបច្ចេកទេសនៃក្រសួងធនធានទឹក និងឧតុនិយម សហការជាមួយក្រុមការងារមន្ទីរធនធានទឹក និងឧតុនិយមខេត្តកំពត​ បានចុះអន្តរាគមន៍បូមទឹកសង្រ្គោះស្រូវ​វស្សាដែលកំពុងខ្វះខាតទឹកជូនប្រជាពលរដ្ឋ​ចំនួន ០៥ភូមិ​ លេីផ្ទៃដី ៤៥០ហិកតា ស្ថិតក្នុងឃុំ​ស្តេចគង់ខាងជេីង និងឃុំស្តេចគង់ខាងត្បូង ស្រុកបន្ទាយមាស​ ខេត្តកំពត។ កិច្ចអន្តរាគមន៍នេះប្រេីប្រាស់ម៉ាស៊ីនបូមទឹកចល័តកម្លាំង​ ៦៥សេះ​ ចំនួន​ ០៤គ្រឿង​ ដោយបូមទឹកចេញពីប្រព័ន្ធប្រឡាយមេស្បូវអណ្តែត​ ដែលមានប្រភពទឹកពីព្រែកទូកមាស ៕