សិស្សមកពីវិទ្យាល័យ ហ៊ុន សែន សម្ភៈបុរៈ បានទទួលជ័យជំនះលេីវិទ្យាល័យ ព្រែកប្រសព្វ ឡេីងទៅវគ្គផ្តាច់ព្រ័ត្រ ក្នុងការប្រកួតវគ្គដំបូងនៃវេទិកាយុវជនជជែកពិភាក្សាអំពីបរិស្ថាន ឆ្នាំ២០២០លេីប្រធានបទ “ការអប់រំផ្សព្វផ្សាយព័ត៌មានបរិស្ថាន គឺជាមធ្យោបាយសមស្របបំផុត សម្រាប់គ្រប់គ្រងធនធានព្រៃឈេី ប្រកបដោយនិរន្តរភាព”រៀបចំឡេីងនៅ ខេត្តក្រចេះ នាព្រឹកថ្ងៃពុធ ៨កេីត ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៦ ខែសីហា ឆ្នាំ២០២០ ដោយនាយកដ្ឋានអប់រំបរិស្ថាន នៃអគ្គនាយកដ្ឋានចំណេះដឹង និងព័ត៌មានបរិស្ថាន ក្រសួងបរិស្ថាន សហការជាមួយក្រសួងអប់រំ យុវជន និងកីឡា ដោយមានគាំទ្រពីគម្រោងព្រៃឡង់បៃតង។
សូមបញ្ជាក់ថាវគ្គប្រកួតដំបូង វេទិកាយុវជនជជែកពិភាក្សាអំពីបរិស្ថាន ឆ្នាំ២០២០ ក្រោមអធិបតីភាព ឯកឧត្តម រ័ត្ន វីរៈ អនុរដ្ឋលេខាធិការ ក្រសួងបរិស្ថាន និងឯកឧត្តម ប៉ែន លីណាត អភិបាលរង នៃគណៈអភិបាលខេត្តក្រចេះ ថ្នាក់ដឹកនាំ និងមន្ត្រីជំនាញក្រសួងបរិស្ថាន តំណាងមន្ទីរបរិស្ថានខេត្ត តំណាងមន្ទីរអប់រំ យុវជន និងកីឡា តំណាងគម្រោងព្រៃឡង់បៃតង លោកគ្រូ អ្នកគ្រូ សិស្សានុសិស្ស សរុប៦៣នាក់។
