លោក ម៉ននី បណ្ឌិត អញ្ជើញសមិទ្ធផលនានា និង កាត់ឬសសីមា នៅវត្តបទុមមុនីសុគន្ធារាម ខេត្តព្រៃវែង


ព្រៃវែង៖ ថ្ងៃទី០៧ មករា ២០១៦ លោក ម៉ននី បណ្ឌិត អភិបាលនៃគណៈអភិបាលស្រុកស៊ីធរកណ្ដាល តំណាងដ៏ខ្ពង់ខ្ពស់ ឯកឧត្តម ជា សុមេធី អភិបាលនៃគណៈអភិបាលខេត្តព្រៃវែង បានអញ្ជើញជាគណៈអធិបតីក្នុងកម្មវិធីឆ្លងសមិទ្ធផលនានា និង កាត់ឬសសីមា នៅវត្តបទុមមុនីសុគន្ធារាម ហៅវត្តខ្នារ ស្ថិតក្នុងភូមិខ្នារ ឃុំព្រៃទឹង ស្រុកស៊ីធរកណ្ដាល ខេត្តព្រៃវែង។ តាមរយៈការធ្វើរបាយការណ៍ឃើញថា ប្រមាណជា៥ឆ្នាំចុងក្រោយនេះវត្តបទុមមុនីសុគន្ធារាម ហៅវត្តខ្នារ បានកសាងនូវសមិទ្ធផលជាច្រើនដូចជា កា្រលសាបលើទីធ្លាក្នុងវត្ត ជួសជុលដំបូលឧបដ្ឋានសាលាកុដិ ក្លោងទ្វារ ក្រាលការ៉ូ ឥដ្ឋកន្សែងលើព្រះវិហារ បង្គន់អនាម័យ របងសាលាបឋម សាលាអនុវិទ្យាល័យ និង ជួសជុលព្រះវិហារស្ទើរតែទាំងស្រុង ដែលចំណាយថវិកាប្រមាណ ៤៦៣,៨៧២,០០០ រៀល។
ថ្លែងក្នុងឱកាសនេះ លោកអភិបាលនៃគណៈភិបាស្រុកបានសំណេះសំណាល ជាមួយអ្នកចូលរួម មានព្រះសង្ឃ គណៈកម្មការ អាចារ្យវត្ត លោកគ្រូ អ្នកគ្រូ សិស្សានុសិស្ស និង លោកតា លោកយាយ បងប្អូនប្រជាពលរដ្ឋ និង បានសំដែងនូវការកោតសរសើរដល់ព្រះគ្រូសីលសំវរោ សាន់ ឡេ ព្រះចៅអធិការវត្តបទុមមុនីសុគន្ធារាម ដែលមានដឹកនាំ ចំណុះជើងវត្តកសាងបាននូវសមិទ្ធផលបានច្រើនបែបនេះ ហើយលោកអភិបាលបានឱ្យតម្លៃខ្ពស់ទៅលើវិស័យសាសនាថា ជាវិស័យមួយដែលបានរួមចំណែកយ៉ាងច្រើនក្នុងការអប់រំសីលធម៌ និងការអភិវឌ្ឍសង្គមកម្ពុជា។
Manny Bandith 08-02-2016 (1)                     Manny Bandith 08-02-2016 (2)
Manny Bandith 08-02-2016 (3)                        Manny Bandith 08-02-2016 (4)
Manny Bandith 08-02-2016 (5)                         Manny Bandith 08-02-2016 (7)