ខេត្តកែប,ថ្ងៃទី០៧ ខែមិថុនា ឆ្នាំ២០២១ ក្រុមគ្រូពេទ្យនៅមន្ទីរពេទ្យបង្អែកខេត្តកែប និងក្រុមការងារឆ្លេីយតបបន្ទាន់បានទទួលសម្ភារប្រេីប្រាស់ ថ្នាំពេទ្យ និងថវិកាមួយចំនួន ពីឯកឧត្តមអភិបាលខេត្តផ្ទាល់។
ឯកឧត្តម សោម ពិសិដ្ឋ អភិបាលខេត្ត បានបញ្ជាក់ថា សម្ភារ មានដូចជា ថ្នាំពេទ្យ ប៉ៅអ៉ីសម្រាប់អង្គុយ និងថវិកាមួយចំនួនសម្រាប់ផ្តល់ជូនក្រុមគ្រូពេទ្យ និងក្រុមការងារឆ្លេីយតបបន្ទាន់របស់រដ្ឋបាលខេត្ត យកចាត់ចែងក្នុងមន្ទីរពេទ្យបង្អែកខេត្ត និងបម្រេីការងារឆ្លេីយតបបន្ទាន់ដើម្បីឆ្លេីយតបឲ្យទាន់សភាពការណ៍ និងចូលរួមបង្ការទប់ស្កាត់ការឆ្លងរាលដាលជំងឺកូវីត-១៩ និងសម្រាប់ជួយដល់ប្រជាពលរដ្ឋ ដែលកំពុងសម្រាកព្យាបាល និងធ្វើចត្តាឡីស័កក្នុងមណ្ឌលចត្តាឡីស័កខេត្ត។
ឯកឧត្តម អភិបាលខេត្ត ក៏បានកោតសរសេីរខ្ពស់ចំពោះការខិតខំប្រឹងប្រែងរបស់លោកគ្រូ អ្នកគ្រូពេទ្យ និងក្រុមការងារឆ្លេីយតបបន្ទាន់របស់រដ្ឋបាលខេត្ត ដែលបានយកចិត្តទុកដាក់ និងខិតខំបំពេញការងារតាមតួនាទីភារកិច្ចរបស់ខ្លួនបានយ៉ាងល្អប្រសេីរ៕