នៅរសៀលថ្ងៃទី១៣ ខែកុម្ភៈ ឆ្នាំ ២០១៦ ក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជា នៅក្រៅប្រទេស បានរៀបចំ “កិច្ចប្រជុំបូកសរុបការងារឆ្នាំ ២០១៥ និងទិសដៅភារកិច្ចឆ្នាំ ២០១៦” របស់ខ្លួន ក្រោមវត្តមានរបស់ ឯកឧត្តម សោម សឿន ប្រធានគណៈចាត់តាំង, ឯកឧត្តម កែ ប៊ុនខៀង ប្រធានក្រុមការងារយុវជនថ្នាក់កណ្តាល, ឯកឧត្តមបណ្ឌិត ហ៊ុន ម៉ាណែត ប្រធានក្រុមការងាររៀបចំអង្គការចាត់តាំងយុវជន CPP នៅក្រៅប្រទេស, តំណាងគណៈទាក់ទងបរទេស, តំណាងគណៈកម្មាធិការគណបក្សក្រសួងការបរទេស និងសមាជិកសមាជិកា ក្រុមការងាររៀបចំអង្គការចាត់តាំងយុវជន CPP នៅក្រៅប្រទេស សរុបប្រមាណ 350នាក់ បានចូលរួម ។
ក្រុមការងាររៀបចំនៅក្រៅប្រទេស ត្រូវបានបង្កើតឡើងនៅដើមឆ្នាំ 2015 ដែលមានក្រុមការងារចំណុះចំនួន ៦ក្រុម ។ ឆ្លងតាមរយៈការអនុវត្តការងាររបស់ខ្លួនកន្លងមក យើងសង្កេតឃើញថា សន្ទុះនៃការគាំទ្រ CPP ពីបងប្អូននៅក្រៅប្រទេស មានការកើនឡើងគួរអោយកត់សំគាល់ ដែលនេះបានបង្ហាញអំពីយុទ្ធសាស្ត្រដ៏មានប្រសិទ្ធភាពថ្មីមួយ របស់គណបក្សប្រជាជនកម្ពុជា ។ ក្រុមការងារនឹងរៀបចំពង្រីក និងពង្រឹងរចនាសម្ព័ន្ធក្រុមការងារបន្ថែម ដើម្បីបង្កើនប្រសិទ្ធភាពការងារ និងពង្រីកការគ្របដណ្តប់ទៅតាមបណ្តាប្រទសផ្សេងទៀត សំដៅទាក់ទាញការគាំទ្រ CPP និងបន្សាបនយោបាយបោកប្រាស់គណបក្សប្រឆាំងនៅក្រៅប្រទេស ។
