ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង នៅព្រឹកថ្ងៃចន្ទ៣រោច ខែកក្តិក ឆ្នាំឆ្លូវត្រីស័ក ព.ស ២៥៦៥ ត្រូវនឹងថ្ងៃទី២២ ខែវិច្ឆិកាឆ្នាំ២០២១នេះ បានអញ្ជើញជាអធិបតីក្នុងពិធីបើកយុទ្ធនាការចាក់វ៉ាក់សាំបង្ការជំងឺកូវីដ-១៩ ដូសទី៣ ដូសជំរុញ ជូនដល់ប្រជាពលរដ្ឋដែលមានអាយុចាប់ពី១៨ ឆ្នាំឡើងនៅមណ្ឌ លសុខភាពថ្នាធ្នង់ ស្រុករំដួល ខេត្តស្វាយរៀង។
អញ្ជើញចូលរួមក្នុងឱកាសនោះរួមមាន ឯកឧត្ដមអភិបាលរងខេត្ត លោកប្រធានមន្ទីរសុខាភិ បាលនៃរដ្ឋបាលខេត្ត លោក លោកស្រី ប្រធានមន្ទីរ-អង្គភាពពាក់ពន្ធនានាក្នុងខេត្ត លោកអ ភិបាល អភិបាលរងស្រុក លោកមេភូមិ មេឃុំ និងប្រជាពលរដ្ឋដែលមកទទួលការចាក់វ៉ាក់សាំ ងជាច្រើនរូបទៀត។
មានប្រសាសន៍នៅក្នុងឱកាសនោះ ឯកឧត្តមអភិបាលខេត្តបានបញ្ជាក់ថា យុទ្ធនាការចាក់វ៉ាក់សាំងការពារជំងឺកូវីដ-១៩ ដូសជំរុញដែលបានប្រព្រឹត្តិទៅនៅថ្ងៃនេះ គឺជាការគិតគូដោយយកចិត្តទុកដាក់បំផុតរបស់សម្តេចតេជោ ហ៊ុន សែន ជូនដល់ប្រជាពលរដ្ឋដើម្បីឱ្យមានសុខភាពមាំមួន ក្នុងការបង្កើនភាពស៊ាំ និងអង់ទីគ័រពេញលេញក្នុងការការពារប្រឆាំងនឹងជំងឺឆ្លងកូវីដ-១៩ ឱ្យមានប្រសិទ្ធិភាពខ្ពស់។
ទន្ទឹមនេះ ឯកឧត្តមបានអំពាវនាវប្រជាពលរដ្ឋសូមមកទទួលការចាក់វ៉ាក់សាំងបង្ការជំងឺកូវីដ-១៩ដែលជាដូសជំរុញឱ្យបានគ្រប់ៗគ្នា ហើយត្រូវមកតាមការកំណត់របស់អាជ្ញាធរ ចៀសវាង មកប្រជ្រៀតគ្នាធ្វើឱ្យបាត់សណ្ដាប់ធ្នាប់ជាដើម ហើយក្រោយទទួលបានវ៉ាក់សាំងរួចត្រូវតែ បន្តប្រកាន់ភ្ជាប់នូវវិធានការ”៣ការពារ ៣កុំ”របស់ប្រមុខរាជរដ្ឋាភិបាលឱ្យបានខ្ជាប់ខ្ជួន។
សូមបញ្ជាក់ជូនថា រដ្ឋបាលខេត្តស្វាយរៀងបានរៀបចំយុទ្ធនាការចាក់វ៉ាក់សាំងបង្ការជំងឺកូវីដ-១៩ ដូសជំរុញ(ដូសទី៣)ជូនដល់ប្រជាពលរដ្ឋមានអាយុចាប់ពី១៨ឆ្នាំឡើងមានរយៈពេល១៤ថ្ងៃចាប់ពីថ្ងៃទី២២ ខែវិច្ឆិកា ដល់ថ្ងៃទី០៥ ខែធ្នូ ឆ្នាំ២០២១ មានចំនួន២ស្រុកគឺ ស្រុករំដួល និងស្រុកកំពង់រោទិ៍ ទៅតាមពេលវេលានិងទីតាំងដូចខាងក្រោម៖ ពេលព្រឹកពីម៉ោង ៧:៣០ ដល់ម៉ោង១១:៣០ នាទី ពេលរសៀលពីម៉ោង ១រសៀល ដល់ម៉ោង៤រសៀល រួមមាន៖ស្រុករំដួលៈ មណ្ឌលសុខភាពថ្នាធ្នង់ – មណ្ឌលសុខភាពបុសមន -វត្តជ័យមុន្នី(ឃុំម៉ឺនជ័យ) និងវត្តបន្ទាយ (ឃុំកំពង់ចក)។ស្រុកកំពង់រោទិ៍ៈ មណ្ឌលសុខភាពញរ -មណ្ឌលសុខភាពខ្សែត – មណ្ឌលសុខភាពត្នោត – មណ្ឌលសុខភាពស្វាយតាយាន និងមណ្ឌលសុខភាពសំយោង៕
