រដ្ឋមន្ដ្រីក្រសួងអប់រំ បានអំពាវនាវដល់បណ្តាប្រទេសទាំងអស់ចូលរួមអនុវត្តយុទ្ធសាស្ត្រភាពជាដៃគូសកល ដើម្បីការគាំពារ និងអភិវឌ្ឍកុមារតូចប្រកបដោយភាពជោគជ័យ។
ក្នុងឱកាសអញ្ជើញចូលរួមថ្លែងសុន្ទរថាតាមវីដេអូ Conference ក្នុងពិធីសម្ពោធដាក់ឱ្យប្រើប្រាស់យុទ្ធសាស្ត្រភាពជាដៃគូសកល សម្រាប់ កុមារតូច ដែលជាគំនិតផ្តួចផ្តើមបង្កើតឡើងដោយអង្គការយូណេស្កូ និងដៃគូសហការ ដើម្បីឆ្លើយតបទៅនឹងការខ្វះខាតសេវាបម្រើ ដល់សេចក្ដីត្រូវការរបស់កុមារតូច រួមមានការអប់រំមត្តេយ្យសិក្សា សុខភាព អាហារូបត្ថម្ភ អនាម័យ និងការការពារកុមារទូទាំងពិភពលោក ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានមានប្រសាសន៍ថា ប្រទេសទាំងអស់គួរតែបន្ត សហការគ្នា ក្នុងការចែករំលែកបទពិសោធន៍ ដើម្បីអនុវត្តយុទ្ធសាស្ត្រសម្រាប់កុមារទាំងអស់ទូទាំងពិភពលោក។
ឯកឧត្តមបញ្ជាក់ថា បេសកកម្មនេះគឺស្របតាមរបៀបវារៈឆ្នាំ២០៣០ ជាគោលការណ៍ស្នូលនៃការអភិវឌ្ឍន៍ប្រកបដោយនិរន្តរភាព ដែលត្រូវធានាបានថា កុមារទាំងអស់មានលទ្ធភាពទទួលបានការថែទាំ និងការអប់រំមត្តេយ្យសិក្សាប្រកបដោយគុណភាព ដើម្បីឱ្យពួកគេ អាចត្រៀមខ្លួនសម្រាប់សាលាបឋមសិក្សា៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeG44QWc9PSIsImV4cCI6bnVsbCwicHVyIjoiYmxvYl9pZCJ9fQ==--c993b1c94cb9d0622b9e019afc0b053bafdfab75/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/E847DF5E-756D-4160-BD31-054A26C.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeHI4QWc9PSIsImV4cCI6bnVsbCwicHVyIjoiYmxvYl9pZCJ9fQ==--dff46d855e58633b5c597f40e06db8ebb7f82453/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/115EE4EE-5837-4A98-823D-54A287F.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeHY4QWc9PSIsImV4cCI6bnVsbCwicHVyIjoiYmxvYl9pZCJ9fQ==--f4a517697acbb22e63731c3161055be7911803ba/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/2419789B-1B3D-484E-B28C-CABCD86.jpeg)
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBeHo4QWc9PSIsImV4cCI6bnVsbCwicHVyIjoiYmxvYl9pZCJ9fQ==--e6bf73ad4764c9e308116a45d491fee0dc61d06d/C7E5FEEF-60FF-4300-9704-04EEB25.jpeg)