ក្រសួងធនធានទឹក និងឧតុនិយមធ្វើការសាងសង់នូវប្រឡាយរងវ៉ៃកូ ចំនួន ២ ខ្សែ


ដើម្បីទាញយកឲ្យអស់លទ្ធភាពពីសក្តានុពលនៃប្រព័ន្ធធារាសាស្ត្រវ៉ៃកូ គម្រោងអនុត្តរភាពប្រព័ន្ធមួយនេះ កំពុងត្រូវបានក្រសួងធនធានទឹក និងឧតុនិយម អនុវត្តជាបន្តបន្ទាប់ ។ ជាក់ស្តែង នៅក្នុងឆ្នាំ ២០១៧ នេះ ក្រសួង បាន និងកំពុងធ្វើការសាងសង់នូវប្រឡាយរងវ៉ៃកូ ចំនួន ២ ខ្សែទៀត ដែលមានប្រវែងសរុប ២០.៧០០ ម៉ែត្រ ដោយបំពាក់នូវសំណង់សិល្បការ សរុបចំនួន ៣៣ កន្លែង ដើម្បីទាញទឹកបន្តពីប្រឡាយមេវ៉ៃកូ ទៅបម្រើឲ្យការងារបង្កបង្កើនផលដំណាំស្រូវរបស់បងប្អូនប្រជាកសិករជាង ២.០០០ ហិកតា នៅក្នុងឃុំអង្គរទ្រេត និងឃុំជ្រៃ ស្រុកស្វាយអន្ទរ ខេត្តព្រៃវែង ។ មកទល់ពេលបច្ចុប្បន្ននេះ ការងារខាងលើ សម្រេចលទ្ធផលបានប្រមាណ ៩២% ហើយ ៕