ឯកឧត្ដម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញជួបសំណេះសំណាល និងប្រគល់ផ្ទះ ១ខ្នង ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជូនដល់គ្រួសារអតីតយុទ្ធជនដែលមានឈ្មោះ កែវ លី អាយុ ៦៤ឆ្នាំ រស់នៅភូមិ១ សង្កាត់លេខ១ ក្រុងព្រះសីហនុ ខេត្តព្រះសីហនុ ។ ការប្រគល់អំណោយនេះ បានធ្វើឡើង នាថ្ងៃអាទិត្យ ៧កើត ខែបុស្ស ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៩ ខែមករា ឆ្នាំ២០២២។
ឯកឧត្ដម គួច ចំរើន បានគូសបញ្ជាក់ថា ប្រទេសជាតិមានសន្តិភាពពិតជាបានមកដោយសារការចូលរួមលះបង់យ៉ាងច្រើនរបស់អតីតយុទ្ធជន ហើយក៏បានបន្សល់ ទុកនូវជនពិការភាព របួសស្នាម និងអាយុជីវិតជាដើម ។
ឯកឧត្ដមអភិបាលខេត្តបានបន្តថា អតីតយុទ្ធជនកម្ពុជា ទទួលបានការយកចិត្តទុកដាក់ខ្ពស់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដើម្បីជាកិច្ចតបស្នងសងគុណចំពោះការលះបង់ និងពលីកម្មយ៉ាងធំធេងដែលអតីតយុទ្ធជនរបស់យើងបានលះបង់ចំពោះជាតិ មាតុភូមិ។
ឯកឧត្ដមបានបន្ដទៀតថា កន្លងមករាជរដ្ឋាភិបាលបានផ្តល់ដីសម្បទានសង្គមកិច្ច ការជួយសាងសង់ផ្ទះសម្បែងជូនដល់អតីតយុទ្ធជន ដើម្បីឱ្យពួកគាត់កសាងជីវភាព និងរស់នៅបានសមរម្យផងដែរ។
ឯកឧត្តមអភិបាលខេត្តក៏បានធ្វើការណែនាំដល់អតីតយុទ្ធជនទាំងអស់ឱ្យយកចិត្តទុក ដាក់ខ្ពស់ចំពោះសុខភាពខ្លួន ក៏ដូចសុខភាពក្នុងក្រុមគ្រួសារ និងត្រូវអនុវត្តន៍ឱ្យបានខ្ជាប់ខ្ជួននូវវិធានការនានារបស់ក្រសួងសុខាភិបាល ដើម្បីបង្ការខ្លួនពីជំងឺកូវីដ-១៩។ ទន្ទឹមនេះ ប្រសិនបើក្រុមគ្រួសារមិនទាន់បានទទួលវ៉ាក់សាំង សូមអញ្ជើញទៅទទួលវ៉ាក់សាំងឱ្យបានគ្រប់គ្នា ព្រោះការចាក់វ៉ាក់សាំងជួយបង្ការកុំឱ្យឆ្លងជំងឺកូវីដ១៩ ប្រសិនបើឆ្លងវាមិនធ្ងន់ធ្ងរ ប៉ះពាល់ដល់អាយុជីវិត ។
សូមជម្រាបជូនថា អំណោយដែលប្រគល់ជូនលោក កែវ លី រួមមាន៖ កន្ទេល១ ភួយ១ ខ្នើយ១ មុង១ ចង្ក្រានហ្គាស១ ឆ្នាំងបាយ ឆ្នាំងសម្ល២ ចានបាយ ចានសម្ល ស្លាបព្រា អង្ករ៥០គីឡូ មី១កេស ត្រីខ១យួរ ទឹកត្រី១យួរ ទឹកបរិសុទ្ធ២កេស ទឹកក្រូច២កេស ម៉ាស់២ដុំតូច អាវរងារ១ និងថវិកាចំនួន ៥០០ ០០០ រៀល ។ ចំពោះគ្រួសារអតីតយុទ្ធជនចំនួន ៧គ្រួសារផ្សេងទៀត ឯកឧត្ដមអភិបាលខេត្ត ក៏នាំយកអំណោយរបស់សម្តេចតេជោប្រគល់ជូនក្នុងមួយគ្រួសារ ទទួលបានអង្ករ ១បាវ ទឹកក្រូច១កេស ទឹកបរិសុទ្ធ១កេស មី១កេស ម៉ាស់១ប្រអប់ អាវរងារ១ និងថវិកាចំនួន ២០០ ០០០ រៀល ផងដែរ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd1lXQXc9PSIsImV4cCI6bnVsbCwicHVyIjoiYmxvYl9pZCJ9fQ==--ef2d965c042836c6a2dbfdcdd5eca99c64e6cdd2/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-01-09_15-53-22.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd01XQXc9PSIsImV4cCI6bnVsbCwicHVyIjoiYmxvYl9pZCJ9fQ==--1053a4082a1a90187e1bc87f56fb7212464585de/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-01-09_15-53-52.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd1FXQXc9PSIsImV4cCI6bnVsbCwicHVyIjoiYmxvYl9pZCJ9fQ==--ef9c53e7877cc389ef84032333b70c612715f39e/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-01-09_15-53-39.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd2NXQXc9PSIsImV4cCI6bnVsbCwicHVyIjoiYmxvYl9pZCJ9fQ==--2efe8ed1c41d716ea7c7cfeb774536fbf154ce48/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-01-09_15-54-08.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd1VXQXc9PSIsImV4cCI6bnVsbCwicHVyIjoiYmxvYl9pZCJ9fQ==--bdd1c422e8cec73c55a024d45292bc9c1726aac8/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-01-09_15-54-24.jpg)