នៅថ្ងៃទី ១៥ ខែកក្កដា ឆ្នាំ ២០១៧ លោក ឈា ប៊ុនរិទ្ធ ប្រធាននាយកដ្ឋានធារាសាស្ត្រកសិកម្ម ក្រសួងធនធានទឹក និងឧតុនិយម បានដឹកនាំមន្ត្រីជំនាញរបស់ក្រសួង សហការជាមួយមន្ទីរធនធានទឹក និងឧតុនិយម បន្តចុះពិនិត្យស្ថានភាពទឹក និងប្រព័ន្ធធារាសាស្ត្រមួយចំនួន ក្នុងខេត្តឧត្តរមានជ័យ ដែលរួមមាន៖ ប្រព័ន្ធធារាសាស្ត្រ ស្ទឹងស្រែងទី ១ និងទី ២ ស្ថិតស្រុកចុងកាល់, ប្រព័ន្ធធារាសាស្ត្រ ទំនប់អាងទឹកថ្មី ស្ថិតក្នុងឃុំត្រពាំងតាវ ស្រុកអន្លង់វែង និងប្រព័ន្ធធារាសាស្ត្រ ទំនប់អាងទឹកតាម៉ុក ស្ថិតក្នុងឃុំអន្លង់វែង ស្រុកអន្លង់វែង ។
នៅក្នុងឱកាសចុះពិនិត្យការងារនោះ លោកប្រធាននាយកដ្ឋាន បានណែនាំដល់មន្ត្រីមន្ទីរ ទន្ទឹមនឹងការផ្គត់ផ្គង់ទឹកស្រោចស្រពជូនបងប្អូនប្រជាកសិករ ត្រូវបន្តយកចិត្តទុកដាក់ថែទាំជាប្រចាំនូវសមិទ្ធផលធារាសាស្ត្រដែលមាន ដើម្បីធានាការប្រើប្រាស់បានយូរអង្វែង ៕
