បន្ទាប់ពីបានជួបសំណេះសំណាលសួរសុខទុក្ខជាមួយបងប្អូនអាជីវករផ្សារសាមគ្គីខេត្តស្ទឹងត្រែងរួចមក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញមក សួរសុខទុក្ខ បុគ្គលិក មន្រ្តីរាជការ លោកគ្រូអ្នកគ្រូ និងគរុសិស្ស នៃសាលាគរុកោសល្យភូមិភាគខេត្តស្ទឹង ត្រែង។
សូមបញ្ជាក់ថា កាលពីថ្ងៃទី១៦ ខែកញ្ញាឆ្នាំ២០១៦ សម្តេចតេជោនាយករដ្ឋមន្រ្តី បានអញ្ជើញចុះ ពិនិត្យសមិទ្ធផលអគារសិក្សាក្នុងខេត្តស្ទឹងត្រែង ដែលពេលនោះ សម្តេចតេជោ បានផ្តល់អគារសិក្សាដល់ សាលាបឋមសិក្សាអនុវត្តនូវអគារសិក្សាថ្មី១ខ្នង២ជាន់១២បន្ទប់ និងអគារទីចាត់ការ១ខ្នង៣បន្ទប់។ ដោយឡែកសម្រាប់សាលាគរុកោសល្យ សម្តេចតេជោ បានផ្តល់អគារសិក្សាថ្មី១ខ្នង២ជាន់១២បន្ទប់ ជួស ជុលអគារចាស់ៗឡើងវិញ។ ដោយសារតម្រូវការអគារសិក្សាបន្ថែម សម្តេចតេជោ បានអោយពង្រីកពី អគារ១ខ្នង២ជាន់២០បន្ទប់ ទៅកាន់អគារ១ខ្នង៣ជាន់៣០បន្ទប់ និងថែមអគារថ្មី១ខ្នង២ជាន់ ២០បន្ទប់ និង បានជួយសាងសង់ទីលានបាល់ទាត់ បាល់ទះ និងបាល់បោះសម្រាប់បណ្តុះបណ្តាល វិស័យកីឡារបស់ខេត្តស្ទឹងត្រែងផងដែរ។ ជាមួយគ្នានេះដែរ សម្តេចតេជោ បានផ្តល់ជូនគរុសិស្សទៅទស្សនកិច្ចសិក្សានៅខេត្តសៀមរាប និងខេត្តព្រះសីហនុតាមសំណើរ។
ក្រៅពីការផ្តល់អគារសិក្សា សម្តេចតេជោនាយករដ្ឋមន្រ្តី បានឧបត្ថម្ភ ថវិកាមួយចំនួនដល់លោកគ្រូអ្នកគ្រូ និងគរុសិស្សទាំងអស់ ព្រមទាំងបានថតរូប Selfie ជាអនុស្សារីយ៍ដែលបង្ហាញពីក្តីស្រឡាញ់ យ៉ាងជ្រាល ជ្រៅបំផុតរបស់សម្តេចតេជោ ជាមួយក្មួយៗគរុសិស្សទាំងអស់៕
