ឯកឧត្តម សុះ មុះសិន សមាជិករដ្ឋសភានិងជាសមាជិកគណៈកម្មាធិការកណ្តាលគណបក្សប្រជាជនកម្ពុជា និងអនុប្រធានគណៈចលនាសាសនិកឥស្លាមកម្ពុជា បានអញ្ជើញចុះជួបសំណេះសំណាល និងសួរសុខទុក្ខប្រជាពលរដ្ឋសាសនិកឥស្លាម នៅក្នុងភូមិត្រពាំងឈូក ឃុំបឹង ស្រុកបារាយណ៏ ខេត្តកំពង់ធំចំនួន១៦០គ្រួសារ នឹងបាននាំយកអំណោយ ១៦០កញ្ចប់ សម្រាប់ខែបួសរ៉ាម៉ាឌន នាពេលខាងមុខ ។
ពិធីខាងលើ ក៏មានការចូលរួមអមដំណើរពីសំណាក់ ឯកឧត្តមវេជ្ជ. ពាស់ មូស្លឹម អនុរដ្ឋលេខាធិការក្រសួងសុខាភិបាលក្រសួងសុខាភិបាល ឯកឧត្តម សុះ ស៊ុបអុី អនុរដ្ឋលេខាធិការក្រសួងវប្បធម៍ និងវិចិត្រសិល្បៈ លោកអភិបាលរងខេត្តតំណាងឯកឧត្តមអភិបាល
ខេត្តកំពង់ធំ លោកអភិបាលរងស្រុកបារាយណ៍ តំណាងលោកអភិបាលស្រុក សមាជិកក្រុមប្រឹក្សាស្រុក យុវជនស.ស.យ.ក ហាកឹម តុ តួន ផងដែរ ។
ឯកឧត្តម បានថ្លែងអំពីគុណូបក្ការៈដ៏ធំធេង
របស់សម្ដេចបវរហ៊ុន ម៉ាណែត នាយករដ្ឋមន្ត្រីនៃកម្ពុជា ដែលមានគោលនយោបាយសុខដុមនីយកម្មសាសនាល្អបំផុត ដោយបានបើកឱកាសទូលាយ និងផ្ដល់សិទ្ធិយ៉ាងពេញលេញដល់សាសនិកឥស្លាមគ្រប់ៗរូបក្នុងការប្រតិបត្តិនូកិច្ចការសាសនារបស់ខ្លួនដោយបើកចំហ ជាមួយនឹងការប្រតិបត្តិតាមគោលការណ៍សាសនាបានយ៉ាងពេញលេញ ដោយគ្មានទោមនស្សនោះឡើយ។
អំណោយចែកជូនក្នុង០១គ្រួសារៗ រួមមាន ÷
១ .អង្ករមួយ ១៥គីឡូក្រាម
២ .ទឹកដោះគោ ០៤កំប៉ុង
៣ .ស្ករស ០២គីឡូក្រាម
៤ .មី ១០កញ្ចប់
៥ .ប្រេងឆា ០១ដប
ពិធីនេះប្រារព្ធធ្វើរសៀលថ្ងៃទី០៨ ខែមីនា ឆ្នាំ ២០២៤
