កំពង់ឆ្នាំងៈ ថ្ងៃទី១៨ ខែតុលា ឆ្នាំ២០១៧ លោកឧត្តមសេនីយ៍ត្រី ធន ធឿន ប្រធានសមាគមអតីតយុទ្ធជនកម្ពុជាខេត្តកំពង់ឆ្នាំង រួមនឹងមន្រ្តីក្រុមការងារសមាគមអតីតយុទ្ធខេត្ត ស្រុក ឃុំ បានអញ្ជើញ ចូលរួមគោរពវិញ្ញាណក្ខន្តធាតុ សព លោក សុខ សុវណ្ណ អតីតជាយោធិនពិការ ដែលទើបនឹងទទួលមរណៈភាពដោយជំងឺ កាលពីវេលាម៉ោង ១០:៣០នាទីព្រឹក ថ្ងៃទី១៦ ខែតុលា ឆ្នាំ២០១៧ នៅភូមិធ្នង់ ឃុំអូរឫស្សី ស្រុកកំពង់ត្រឡាច ខេត្តកំពង់ឆ្នាំង និងបានប្រគល់ថវិកាបេឡាមរណៈ សង្រ្គោះរបស់សមាគម អតីតយុទ្ធកម្ពុជា ចំនួន ៤,០០០,០០០ រៀល ជូនដល់លោកយាយ កូវថន ត្រូវជាម្តាយរបស់សព ។
មានមតិសំណេះសំណាល ក្នុងឱកាសនោះលោកធន ធឿនបបានពាំនាំនូវការចូលរួមរំលែកទុក្ខ ពីសំណាក់ឯកឧត្តមអគ្គលេខាធិការសមាគមអតីតយុទ្ធជនកម្ពុជា ឯកឧត្តម អភិបាលខេត្ត ពិសេសពីសម្តេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជនកម្ពុជា ជូនចំពោះក្រុមគ្រួសារសព ។
លោកធន ធឿនក៏បានសំណូមពរដល់បងប្អូនអតីតយុទ្ធជនរបស់យេីង ត្រូវមានការជឿជាក់ លេីរាជរដ្ឋាភិបាលបច្ចុប្បន្ន ដែលកេីតចេញពីការបោះឆ្នោត ដឹកនាំដោយគណបក្សប្រជាជន កម្ពុជា ដែលមានសម្តេច អគ្គមហាសេនាបតីជោ ហ៊ុន សែន ជាប្រមុខដឹកនាំដ៏ឆ្នេីម ជាអ្នកនាំមកនូវសន្តិភាព ជូនប្រទេសជាតិ និងប្រជាជន ដូច្នេះសូមបងប្អូន កុំជឿលេីគណបក្សប្រឆាំង ដែលជានិច្ចជាកាល តែងតែសន្យាខ្យល់ មិនដែលឃេីញជួយ កសាង អភិវឌ្ឍន៍ប្រទេសជាតិ ឬជួយដល់បងប្អូនអតីតយុទ្ធជនរបស់យេីងម្តងណានោះទេ ។
ក្នុងឱកាសពេលនោះ លោកស្រី ហួន សាវ៉ាង ប្តេជ្ញាថាគ្រួសារខ្ញុំ មិនដែលនឹកឃេីញចង់ដូររបបដូចគណបក្សមួយចំនួន មកឃោសនាអូសទាញម្តងណានោះទេ ព្រោះខ្ញុំតែងគិតហេីយថា មានតែគណបក្សប្រជាជន ដែលមានសម្តេច ហ៊ុន សែន ជាប្រមុខដឹកនាំ ជាអ្នកធ្វេីឲ្យប្រទេសជាតិ និងប្រជាជន បានសុខ ហើយនាងខ្ញុំនៅតែដេីរតាម
និង គាំទ្រនូវគោលនយោបាយដឹកនាំរបស់គណបក្សប្រជាជនជានិច្ច និងសូមគាំទ្រសម្តេចតេជោហ៊ុនសែន ជានាយករដ្ឋមន្រ្តីជារៀងរហូត ។