កំពង់ឆ្នាំងៈលោកឧត្តមសេនីយ៍ត្រីធនធឿនមេបញ្ជាការតំបន់ប្រតិបត្តិកសរសឹករងកំពង់ឆ្នាំងបានជំរុញអោយគ្រប់អង្គភាពចំណុះ ត្រូវយកចិត្តទុកដាក់ថែទាំអាវុធគ្រាប់ សម្ភារៈសឹកគ្រប់ប្រភេទ និងប្រមូលផ្តុំកម្លាំង ត្រៀមអន្តរាគមន៍ សម្រាប់ដោះ
ស្រាយសភាពការផ្សេងៗ តាមបទបញ្ជា និងត្រៀមចុះជួយដល់ប្រជាពលរដ្ឋ និង គ្រួសារយោធិនជួបការលំបាកខ្វះខាតកម្លាំងពលកម្ម ក្នុងការប្រមូលផលស្រូវរដូវវស្សា ។
លោកបានជំរុញបែបនេះនាព្រឹក ព្រឹកថ្ងៃទី១០ ខែវិច្ឆិកា ឆ្នាំ២០១៧នេះ នៅសាលប្រជុំទីបញ្ជាការដ្ឋាន តំបន់ប្រតិបត្តិការសឹករងកំពង់ឆ្នាំង ក្នុងកិច្ចប្រជុំបូកសរុបលទ្ធផលការងារយោធា ប្រចាំខែតុលា និងផ្សព្វផ្សាយទិសដៅការងារបន្តដោយមានការចូលរួមពី លោក មេបញ្ជាការរង នាយសេនាធិការរង នាយនាយរងការិយាល័យ-ផ្នែកចំណុះ, មេបញ្ជាការ-មេបញ្ជាការរង វរ:-ស្រុក សរុប ចំនួន ៣២ រូប ។
លោកបានមានប្រសាសន៍បន្តថាៈគ្រប់អង្គភាព ត្រូវធ្វេីការប្រមូលផ្តុំកម្លាំង ត្រៀមប្រយុទ្ធ ត្រៀមអន្តរាគមន៍ និងត្រៀមចុះជួយ ច្រូតកាត់ប្រមូលផលស្រូវរដូវវស្សា ជូនប្រជាពលរដ្ឋនៅតាមមូលដ្ឋាន និងគ្រួសារយោធិន ដែលជួបការលំបាកខ្វះខាតកម្លាំងពលកម្ម។
លោកធនធឿនក៏បានផ្តាំផ្ញេីដល់គ្រប់អង្គភាព ត្រូវត្រួតពិនិត្យ និងធ្វេីការដុះលាងអាវុធគ្រាប់ ឲ្យបានល្អ ក្តាប់ឲ្យបានជាប់រាល់សភាពការណ៍ដែលកេីតឡេីង ក្នុងភូមិសាស្រ្តរបស់ខ្លួនទទួលខុសត្រូវ និងរក្សាឲ្យបានល្អនូវទំនាក់ទំនង និងសហការជាមួយអាជ្ញាធរមានសមត្ថកិច្ច ក្នុងការបំពេញតួនាទីភារកិច្ចជាកងទ័ព ពិសេសត្រូវគោរព និងអនុវត្តឲ្យបានមឺុងម៉ាត់ នូវរាល់ បទបញ្ជា របស់រាជរដ្ឋាភិបាលកម្ពុជា របស់ក្រសួងការពារជាតិ, អគ្គបញ្ជាការ, បញ្ជាការដ្ឋានយោធភូមិភាគពិសេស និងគណៈបញ្ជាការឯកភាពរដ្ឋបាលខេត្ត ក្នុងការពង្រឹងកិច្ចការ ការពារជាតិ ការពារសន្តិសុខសង្គម និងការពារបូរណភាពទឹកដីកម្ពុជាឲ្យបាន
គង់វង្ស និងប្រឆាំងដាច់ចំពោះជនអគតិដែលមានបំណងផ្តួលរំលំរាជរដ្ឋាភិបាលស្របដែលកេីតចេញពីការបោះឆ្នោត។