ភ្នំពេញ៖ ឯកឧត្តម សុខ ឥសាន អ្នកនាំពាក្យគណបក្ស ប្រជាជនកម្ពុជា នៅថ្ងៃទី២៤ ខែមករានេះ បានលើកឡើងថា ចលនាសង្គ្រោះជាតិ នឹងមិនអាចរស់បាន ស្ថិតស្ថេរយូរនោះទេ ដោយសារ តែមានការខ្វែងគំនិតគ្នា រវាងក្រុមនិយមកឹម សុខា និងក្រុមនិយម សម រង្ស៊ី ខណៈ កងកម្លាំង ប្រដាប់អាវុធបានត្រៀមខ្លួនរួច ជាស្រេច ដើម្បីបង្រ្កាបចលនានេះ ប្រសិនបើកើតមាន នៅកម្ពុជា។
ឯកឧត្តម សុខ ឥសាន បានលើកឡើង តាមរយៈបណ្ដាញ ទំនាក់ទំនងតេលេក្រាមថា “ក្រោយ អតីតបក្សប្រឆាំង ត្រូវបានរំលាយ ដោយតុលាការកំពូល កាលពីថ្ងៃ ១៦ វិច្ឆិកា ២០១៧ ក្រុមមេដឹកនាំអតីតបក្សនេះ បានរត់ភៀសខ្លួន ទៅក្រៅប្រទេស បង្កើតរបស់ហៅថា ចលនា សង្គ្រោះជាតិដើម្បីវាយបកមកលើរាជរដ្ឋាភិបាលកម្ពុជា ។ប៉ុន្តែ មិនទាន់ចេញជារូបរាងផង របស់ហៅថា ចលនាសង្គ្រោះនេះ មានការង្គោះរង្គើរយ៉ាងធ្ងន់ធ្ងរ តាមការខ្វែង គំនិត គ្នារវាងក្រុមនិយម កឹម សុខា និង ក្រុមនិយម សម រង្សី ។ ទន្ទឹមនេះ របស់ហៅថា ចលនា សង្គ្រោះ ក៏ត្រូវកំណត់ជាមុខ សញ្ញានៃការចាត់វិធានការ បង្ក្រាបរបស់កង កម្លាំងប្រដាប់អាវុធ គ្រប់ប្រភេទរបស់ជាតិ ។ ប្រមុខដឹកនាំបណ្តាកងកម្លាំងប្រដាប់អាវុធ បានត្រៀមខ្កួនរួចរាល់ ហើយ ក្នុងការការពារសន្តិភាព ស្ថេរភាពនយោបាយ សន្តិសុខសុវត្ថិភាព និងជីវភាពរស់នៅ ដោយសន្តិភាព សុភមង្គលរបស់ប្រជាជន ។ដូច្នេះ របស់ដែលហៅថា ចលនាសង្គ្រោះជាតិ នឹងមិនអាចរស់ បានស្ថិតស្ថេរយូរទេ”៕