ក្រសួងអប់រំ យុវជន និងកីឡា បានរៀបចំកិច្ចប្រជុំផ្សព្វផ្សាយស្ដីពី “យុទ្ធសាស្ត្រនៃការកែទម្រង់ប្រព័ន្ធថវិកា ឆ្នាំ២០១៨-២០២៥” របស់រាជរដ្ឋាភិបាលកម្ពុជា ក្នុងគោលបំណងបញ្ជ្រាបការយល់ដឹងជូនថ្នាក់ដឹកនាំក្រសួង និងប្រធានអង្គភាពក្រោមឱវាទក្រសួង ឱ្យកាន់តែមានភាពច្បាស់លាស់ពីមួយដំណាក់កាលទៅមួយដំណាក់កាលពាក់ព័ន្ធនឹងយុទ្ធសាស្ត្រកែទម្រង់ប្រព័ន្ធថវិកា ជាពិសេសគឺការកែទម្រង់ប្រព័ន្ធថវិកាឆ្នាំ២០១៨-២០២៥ ដោយឈរលើមូលដ្ឋានប្រសិទ្ធភាព គណនេយ្យភាព និងតម្លាភាព។
កម្មវិធីនេះត្រូវបានរៀបចំឡើងក្រោមអធិបតីភាព ឯកឧត្ដមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា នាព្រឹកថ្ងៃអង្គារ ៦កើត ខែផល្គុន ឆ្នាំរកា នព្វស័ក ព.ស.២៥៦១ នៅសណ្ឋាគារកាំបូឌីយ៉ាណា រាជធានីភ្នំពេញ៕