ព្រឹកថ្ងៃសុក្រ ៧កើត ខែចេត្រ ឆ្នាំរកា នព្វសក័ ពស ២៥៦១ ត្រូវនឹងថ្ងៃទី ២៣ ខែមីនា ឆ្នាំ ២០១៨ មន្ត្រីបច្ចេកទេសគម្រោងស្តារព្រែកនាំដីល្បាប់ ក្រសួងធនធានទឹក និងឧតុនិយម ដឹកនាំដោយលោក សែម សំណាង ប្រធានគ្រប់គ្រងគម្រោង បានសហការជាមួយមន្ត្រីបច្ចេកទេសមន្ទីរធនធានទឹក និងឧតុនិយមខេត្តកណ្តាល ដើម្បីចុះត្រួតពិនិត្យ និងវាយតម្លៃ បញ្ចប់សុពលភាព ការងារស្តារព្រែកនាំដីល្បាប់នៅដំណាក់កាលទី១ ស្ថិតក្នុងស្រុកលើកដែក ខេត្តកណ្តាល ។
