ក្រុមការងារគម្រោងសាច់ប្រាក់ពលកម្មសម្រាប់អភិវឌ្ឍន៍ហេដ្ឋារចនាសម្ព័ន្ធជនបទ និងការគាំទ្រកសិករ នៃក្រសួងធនធានទឹក និងឧតុនិយម ចុះពិនិត្យទីតាំងអនុវត្តគម្រោង ប្រឡាយជើងក្អែប

រសៀលថ្ងៃពុធ ៤កើត ខែ ពិសាខ ឆ្នាំ ច សំរឹទ្ធិស័ក ព.ស ២៥៦២ ត្រូវនឹងថ្ងៃទី ១៨ ខែ មេសា ឆ្នាំ ២០១៨ ក្រុមការងារគម្រោងសាច់ប្រាក់ពលកម្មសម្រាប់អភិវឌ្ឍន៍ហេដ្ឋារចនាសម្ព័ន្ធជនបទ និងការគាំទ្រកសិករ នៃក្រសួងធនធានទឹក និងឧតុនិយម សហការជាមួយមន្ទីរធនធានទឹក និងឧតុនិយមខេត្តកំពង់ស្ពឺ ចុះពិនិត្យទីតាំងអនុវត្តគម្រោង ដើម្បីជីកប្រឡាយជើងក្អែបនាំទឹកដល់ស្រែកសិករ ក្នុងតំបន់ប្រព័ន្ធស្រោចស្រពសំរោងទង ស្ថិតក្នុងឃុំសំរោងទង ស្រុកសំរោងទង ប្រព័ន្ធស្រោចស្រពចាន់ថ្នាល ស្ថិតក្នុងឃុំព្នាយ ស្រុកសំរោងទង និងឃុំក្រាំងចេក ស្រុកឧត្តុង្គ និងប្រព័ន្ធស្រោចស្រពក្រពើទ្រោម ស្ថិតក្នុងឃុំវាលពុង ស្រុកឧត្តុង្គ ខេត្តកំពង់ស្ពឺ។