សូមរំលឹកថា លោកពូ នាក់ សន អាយុ៦៩ឆ្នាំ មានជំងឺដុំសាច់បំពង់ក(Neck tumor) អស់រយៈពេល១៥ឆ្នាំមកហើយ លោកពូរស់នៅភូមិទួលគ្រួស ឃុំប្រម៉ោយ ស្រុកក្រវ៉ាញ ខេត្តពោធិសាត់។ នេះជាលើកទី២ហើយដែលសមាគមគ្រូពេទ្យស្ម័គ្រចិត្តយុវជនសម្តេចតេជោTYDA បានជួយព្យាបាលជុំងឺដោយឥតគិតថ្លៃជូនលោកពូ ដែលលើកទី១អំឡុងឆ្នាំ២០១៣ លោកពូធ្លាប់មានជំងឺរលាក់ក្រពះធ្ងន់ធ្ងរ ស្ទើតែបាត់បង់ជីវិត ជាសំណាងល្អដោយបានជួបមួយបងស្រី ពេជ ចន្ទមុន្នី ក៏បានអោយក្រុមការងារនៃសមាគម បញ្ជូនលោកពូមកមន្ទីពេទ្យកាលម៉ែតដើម្បីសង្គ្រោះបន្ទាន់ និងបន្តព្យាបាលរហូតលោកពូបានជាសះស្បើយ។
ថ្ងៃនេះជាមួយនិងទឹកមុខញញឹមពោពេញដោយក្តីសង្ឃឹមលោកពូបានថ្លែងអំណរគុណយ៉ាងជ្រាលជ្រៅ ចំពោះសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត បងប្រុស ហ៊ុន ម៉ាណែត បងស្រី ពេជ ចន្ទមុន្នី និងក្រុមគ្រូពេទ្យ ដែលបានជួយជីវិតគាត់អោយរស់រានមានជីវិតជួបជុំជាមួយក្រុមគ្រួសារបន្តទៀត។
ដោយឡែក អ្នកមីង សៅ សរ អាយុ៤៩ឆ្នាំ មានជុំងឺដុំសាច់បំពង់ក(Neck tumor) រស់នៅភូមិតាគិមក្រោម ឃុំអន្លង់ ស្រុកជីក្រែង ខេត្តសៀមរាប។ អ្នកមីងបានជួប ជាមួយបងស្រី ពេជ ចន្ទមុន្នី អនុប្រធានក្រុមប្រឹក្សាភិបាល សមាគមគ្រូពេទ្យស្ម័គ្រចិត្តយុវជនសម្តេចតេជោ ខណៈពេលដែលបងស្រីអញ្ជើញប្រគល់អណ្តូងទឹកស្អាត ដែលជាអំណោយមូលនិធិលោកតា ហ៊ុន នាង កាលពីថ្ងៃទី១៩ ខែឧសភា ឆ្នាំ២០១៨ នៅក្នុងភូមិទួលគ្រួស ឃុំឃុនរាម ស្រុកបន្ទាយស្រីខេត្តសៀមរាប។
សូមបញ្ជាក់ថា ពេលនេះពួកគាត់កំពុងពិនិត្យាបាល និងត្រៀមធ្វើកាវះកាត់ដោយក្រុមគ្រូពេទ្យនៃសមាគមគ្រូពេទ្យស្ម័គ្រចិត្តយុវជនសម្តេចតេជោTYDA។
