ឯកឧត្តម គួច ចំរើន អភិបាល នៃគណៈអភិបាល កំពង់ចាម ព្រឹកថ្ងៃសុក្រ ៩រោច ខែបឋមាសាឍ ឆ្នាំច សំរីទ្ធិស័ក ព ស ២៥៦២ ត្រូវនឹងថ្ងៃទី៦ខែកក្កដា ឆ្នាំ២០១៨ អញ្ជើញជួបសំណេះសំណាល ជាមួយកម្លាំងត្រៀមអន្តរាគមន៍ នៃអង្គភាពប្រតិបត្តការសឹករង កំពងចាម ។
ឯកឧត្តម គួច ចំរើន អភិបាលខេត្តកំពង់ចាមបានពាំនាំ ការផ្តាំផ្ញើ សាកសួរសុខទុក្ខ ឯកឧត្តម ហ៊ុន ម៉ាណែត នាយសេនាធិការចំរុះស្តីទី នឹងប្រធានក្រុមការងារយុវជនចុះជួយខេត្តកំពង់ចាម បានជម្រុញដល់ពលទាហាន កងប្រតិបត្តការសឹករង កំពងចាម ត្រូវធ្វើការពង្រឹងនូវសមត្ថភាពក្នុងការចូលរួមការពារសន្តិសុខ សណ្តាប់ធ្នាប់ នឹងទប់ស្កាត់បទល្មើសផ្សេងៗដែលកើតមានឡើងក្នុងពេលដំណើរឃោសនាគណបក្សនយោបាយនឹងការប្រព្រឹត្តបោះឆ្នោតជ្រើសរើសតំណាងរាស្ត្រនៅថ្ងៃទី២៩កក្តដាខាងមុខនេះដើម្បីឲ្យប្រជាពលរដ្ឋមានភាពកក់ក្តៅបានផ្តល់សុវត្ថិភាពឲ្យកាន់តែល្អប្រសើរផងដែរ។ បង្កើនយកចិត្តទុកនឹងត្រូវខិតខំបន្ថែមទៀត ដូចជាផ្តល់នូវសេវាសាធារណៈដល់ប្រជាពលរដ្ឋឲ្យកាន់តែប្រសើរ និងមានប្រសិទ្ឋិភាព, និងរក្សាបាននូវសុខសន្តិភាព ស្ថេរភាពនយោបាយ ស្ថេរភាពសេដ្ឋកិច្ច សង្គម សុវត្ថិភាព សណ្តាប់ធ្នាប់ ទប់ស្កាត់បទល្មើសផ្សេងៗនៅក្នុងមូលដ្ឋានប្រកបដោយសុខសាន្តដល់ការរស់នៅរបស់ប្រជាពលរដ្ឋ។ ហើយកងពលទ័ពនេះហើយដែលបានលះបង់អាយុជីវិត ចាកចេញពីក្រុមគ្រួសារ ដោយមិនខ្លាចការបាត់បង់ជីវិត គឺដើម្បីរក្សានូវសុខសន្តិភាពជូនប្រជាជននឹងជាតិមាតុភូមិ ក្នុងពលីក្នុងរបបសង្គ្រាម នឹង មិនតែប៉ុណ្ណោះ យើងត្រូវប្រឆាំងដាច់ខាត់រាល់សកម្មភាពបដិវត្តពណ៌ និងទង្វើរទាំងឡាយណាដែលបំផ្លិចបំផ្លាញនូវសុខសន្តិភាព និងភាពសុខសាន្តរបស់ប្រជាជន។
ឯកឧត្តម គួច ចំរើន បានថ្លែងបែបនេះក្នុងការជួបសំណេះសំណាលជាមួយកងប្រតិបត្តការសឹករង កំពងចាមបានផ្សព្វផ្សាយដល់កងកម្លាំងកងទ័ពត្រូវពង្រឹងសមត្ថភាពវឹកហាត់ឲ្យកាន់តែរឹងមាំដើម្បីរៀបចំសណ្តាប់ធ្នាប់ នឹងការពារសុវត្ថិភាពពេញលីង ជូនបងប្អូនប្រជាពលរដ្ឋក្នុងពេលនឹងក្រោយបោះឆ្នោត ហើយជាពិសេសនោះត្រូវធ្វើអំពាវនាវឲ្យសមាជិកគ្រួសារឬប្រជាពលរដ្ឋដទៃទៀតរៀបចំឯកសារដែលបម្រើក្នុងការទៅបោះឆ្នោតនៅថ្ងៃទី២៩កក្តដាខាងមុខនេះ ក្នុងន័យមួយកុំឲ្យបងប្អូនប្រជាពលរដ្ឋភ័យខ្លាចក្នុងការប្រព្រឹត្តការបោះឆ្នោត នឹងចូលរួមចំណែករៀបចំសណ្តាប់ធ្នាប់សាធារណៈជូនបងប្អូនប្រជាពលរដ្ឋផងដែរ ៕
