គណៈអភិបាលខេត្តពោធិ៍សាត់ អញ្ជើញជួបសំណេះសំណាល ជាមួយបងប្អូនប្រជាពលរដ្ឋ ក្នងឃុំមេទឹក ស្រុកបាកាន


ឯកឧត្តម​ ម៉ៅ ធនិន អភិបាលនៃគណៈអភិបាលខេត្តពោធិ៍សាត់​ នាព្រឹកថ្ងៃទី១៦​ ខែកក្កដា​ ឆ្នាំ២០១៨​ បានអញ្ជើញជួបសំណេះសំណាល​ ជាមួយបងប្អូនប្រជាពលរដ្ឋជិត៣ពាន់នាក់​ ទូទាំងឃុំមេទឹក ស្រុកបាកាន​ នៅបរិវេណវត្តទួលលៀប​ ដោយមានការចូលរួមពីក្រុមប្រឹក្សាខេត្ត តំណាងរាស្ត្រ គណៈអភិបាលខេត្ត​ តំណាងមន្ទីរអង្គភាបនានាជុំវិញខេត្ត​ និងកងកម្លាំងប្រដាប់អវុធទាំង៣។​

ជាមួយគ្នានោះ​ ឯកឧត្តមអភិបាលខេត្ត​ ក៏បានជម្រាបជូនអំពីសមិទ្ធផលធំៗ​ ដែលប្រជាពលរដ្ឋខេត្តពោធិ៍សាត់​ ទទួលបានពីប្រ​មុខរាជរដ្ឋាភិបាលកម្ពុជា និងរដ្ឋបាលខេត្ត។ ក្នុងនាមរដ្ឋបាលខេត្ត​ ឯកឧត្តមសូមឲ្យលោកមេឃុំ មេភូមិ​ មន្ត្រីនគរបាលរដ្ឋបាល និងប្រជាការពារ​ ខិតខំបម្រើសេវាសាធារណៈ​ រក្សាការពារ សន្តិសុខ​ សណ្តាប់ធ្នាប់ លុបបំបាត់ភាពអសកម្មនានា​ សម្តៅធ្វើយ៉ាង ណាផ្តល់នូវភាពកក់ក្តៅ​ ជូនប្រជាជននៅមូលដ្ឋាន​ ឲ្យកាន់តែប្រ សើរឡើង​។

នៅក្នុងឱកាសនោះ​ ឯកឧត្តមសំណូមពរដល់ប្រជាពលរដ្ឋទាំងអស់​ ត្រូវមានការយោគយល់នូវរាល់ចំណុចខ្វះខាតមួយចំនួន​ របស់មន្ត្រីមូលដ្ឋាន ហើយត្រូវគិតផលប្រយោជន៍ជាតិជាធំ ហេតុនេះនៅថ្ងៃទី២៩​ ខែកក្កដា​ ឆ្នាំ​២០១៨នាពេលឆាប់ៗខាងមុខ សូម បងប្អូនទៅចូលរួមបោះឆ្នោតជ្រើសតាំងតំណាងរាស្ត្រ​ ឲ្យបានគ្រប់ៗគ្នា៕