ឯកឧត្តម អូន ព័ន្ធមុនីរ័ត្ន បន្តជួបសំណេះសំណាលជាមួយសមាជិកគណបក្ស ចំនួន២ឃុំ ក្នុងស្រុកខ្សាច់កណ្តាល


ខេត្តកណ្តាល ៖ ព្រឹកថ្ងៃទី១៨ ខែកក្កដាឆ្នាំ២០១៨ នេះ ឯកឧត្តម អូន ព័ន្ធមុនីរ័ត្ន ប្រធានគណ:ពង្រឹងស្រុកខ្សាច់កណ្តាលនិងស្រុកល្វាឯមឯក,ឧត្តម សួង​ ម៉េងគា អនុប្រធានទី១ គណ:ពង្រឹងស្រុកល្វាឯម ព្រមទាំង ឯកឧត្តម លោកជំទាវ អស់លោក លោកស្រី ជាក្រុមការងារជាច្រេីនរូបទៀត បានអញ្ជើញជួបសំណេះសំណាលជាមួយសមាជិកបក្ស​ក្នុងឃុំចំនួន​២ ដាច់ដោយឡែកពីគ្នា​ ក្នុងនោះនៅឃុំល្វាសរ ចំនួន​ 600នាក់​(នៅស្នាក់ការគណបក្សឃុំ​) និងឃុំកោះកែវ​ ចំនួន450នាក់ (នៅមណ្ឌលសកម្មភាពក្នុងឃុំកោះកែវ)​ សរុបទាំង2ឃុំមានចំនួន​1050នាក់។

ឯកឧត្តម បានលេីកឡេីងពីគោលនយោបាយរបស់គណបក្សទាំង១១ចំណុច និងការរីកចម្រេីនដោយសារប្រទេសមានសុខសន្តិភាព និងស្ថិរភាពក្នុងសង្គម ។បោះឆ្នោតជូនគណបក្សប្រជាជន គឺដេីម្បីសន្តិភាព និងការអភិវឌ្ឍលើគ្រប់វិស័យ។

ឯកឧត្តម បានណែនាំដល់សមាជិកទាំងអស់ អំពីឯកសារត្រូវត្រៀមទុកសម្រាប់បោះឆ្នោត​ សម្រាប់ខ្លួនឯង​ និងសមាជិកគ្រួសារដែលគ្រប់អាយុបោះឆ្នោត នាថ្ងៃទី២៩ ខែកក្តដា ខាងមុខ។ សូមទៅបោះឆ្នោតទាំងអស់គ្នា បោះឆ្នោតជូនគណបក្សប្រជាជនកម្ពុជា ដែលមានលេខរៀងទី២០ និងមានរូបទេវតាជាសញ្ញាសម្គាល់ ដេីម្បីបានសម្តេចតេជោ បន្តដឹកនាំប្រទេសជាតិ ក្នុងអាណត្តិទី៦ និងអាណត្តិបន្ត បន្ទាប់ទៀត។