នាព្រឹកថ្ងៃសុក្រ ៨កើត ខែទុតិយាសាឍ ឆ្នាំច សំរិទ្ធស័ក ព.ស២៥៦២ ត្រូវនឹងថ្ងៃទី២០ ខែកក្កដា ឆ្នាំ២០១៨ ឯកឧត្តម ម៉ម ប៊ុននាង ប្រធានគណៈកម្មការទី១០ព្រឹទ្ធសភា បានអញ្ជើញនាំយកទានព្រះវស្សា និងទេយ្យទាន ទេយ្យវត្ថុ និងបច្ច័យ ទៅប្រគេនព្រះសង្ឃគង់ចាំព្រះវស្សាក្នុងវត្តស្វាយប្រទុមឌិន(ហៅវត្តថ្មី)និងវត្តប្រសាទប្រាំ ស្ថិតក្នុងឃុំកំពង់ស្វាយ ស្រុកកៀនស្វាយ ខេត្តកណ្តាល។
ទេយ្យទាន និងទេយ្យវត្ថុ ដែលយកទៅប្រគេនព្រះសង្ឃគង់ចាំព្រះវស្សា ចំនួន០២វត្ត រួមមាន៖ ក្នុងមួយវត្តៗទទួលបានទានចំនួន០១គូរ មីចំនួន១០កេស ទឹកសុទ្ធ២កេស ទឹកសីុអីវ២យួរ ទឹកត្រី២យួរ ទឹកផ្លែឈើ០២កេស ទឹកក្រូច០២កេស ប៊ីចេង០២កញ្ចប់ អំបិល០២កញ្ចប់ អង្ករ៥០គីឡូក្រាម ស្លាដក់១០ និងបច្ច័យសំរាប់កសាងវត្ត ក្នុងមួយវត្តៗចំនួន៥០ម៊ឺនរៀល ដែលចំណាយថវិកាសរុបចំនួន៦,៩៨២,០០០រៀល។
