ខេត្តកំពង់ចាម៖ អាគារសិក្សាថ្មី នៅអនុវិទ្យាល័យឧត្ដមទួលបី ត្រូវបានសម្ពោធដាក់ឱ្យប្រើប្រាស់ដើម្បីជួយសម្រួលដល់ការសិក្សារបស់សិស្សានុសិស្ស និងបំពេញតាមតម្រូវការ ស្របពេលដែលចំនួនសិស្សានុសិស្សក៏មានការកើនឡើងគួរអោយកត់សម្គាល់ ។
ពិធីសម្ពោធដាក់ឱ្យប្រើប្រាស់អគារសិក្សាថ្មី ត្រូវបានប្រារព្ធឡើងក្រោមអធិបតីភាពឯកឧត្ដមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា នាថ្ងៃសុក្រ ៨កើត ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ នៅភូមិទួលបី ឃុំរាយប៉ាយ ស្រុកកងមាស ខេត្តកំពង់ចាម។ ក្នុងឱកាសនោះដែរឯកឧត្ដមបណ្ឌិតសភាចារ្យបានសំណូមពរដល់មាតាបិតា អាណាព្យាបាលសិស្សជួយជំរុញកូនចៅឲ្យបានចូលរៀនគ្រប់ៗគ្នា ដើម្បីទទួលបាននូវចំណេះវិជ្ជា និងសមត្ថភាពគ្រប់គ្រាន់យកមកជួយកសាងនិងអភិវឌ្ឍ ភូមិ ឃុំ ក៏ដូចជាសង្គមជាតិឲ្យមានភាពរីកចម្រើនផងដែរ។