ព្រឹកថ្ងៃសៅរ៍ ៩កើត ខែបឋមាំសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២១ ខែកក្កដា ឆ្នាំ២០១៨ ឯកឧត្តម ថង សាវុន ប្រធានគណបក្សប្រជាជនកម្ពុជាខេត្តរតនគិរីបានអញ្ជើញចុះសួរសុខទុក្ខនិងបានចុះជួបផ្ទាល់ជាមួយសមាជិកបក្ស ជាកម្មករកម្មការនីក្នុងក្រុមហ៊ុនម៉ាងយ៉ាងខេប្រមាណជិត២០០នាក់ដែលស្ថិតនៅភូមិភ្នំកុក ឃុំភ្នំកុក ស្រុកវឺនសៃ។
ឯកឧត្តម ថង សាវុនបានធ្វើការផ្សព្វផ្សាយអំពីគោលការណ៍ចម្បងៗរបស់គណបក្ស រូបសញ្ញាគណបក្ស លេខរៀងគណបក្ស របៀបគូសក្នុងប្រអប់រូបសញ្ញាគណបក្សលើសន្លឹកឆ្នោត បិទផ្សាយគោលនយោបាយបក្ស ទង់បក្ស ទង់ជាតិ ចែកខិត្តបណ្ណបក្ស និងណែនាំអោយបងប្អូនទៅបោះឆ្នោតជូនគណបក្សប្រជាជនកម្ពុជា រូបទេវតាបាចផ្កា លេខរៀងទី២០ នាថ្ងៃទី២៩ ខែកក្កដា ឆ្នាំ២០១៨ ខាងមុខនេះ ។ ឯកឧត្តម បានអំពាវនាវអោយសមាជិកសមាជិការនិងអ្នកគាំទ្ររបស់ខ្លួនអញ្ជើញទៅបោះឆ្នោត អោយបានគ្រប់ៗគ្នានិងត្រូវបោះឆ្នោតជូនគណបក្សប្រជាជនកម្ពុជាដើម្បីអោយគណបក្សបន្តការដឹកនាំនិងការកសាងអភិវឌ្ឍន៍ប្រទេសជាតិជាបន្តទៀត។
