នៅព្រឹកថ្ងៃអង្គារ ១រោច ខែភទ្របទ ឆ្នាំច ព.ស.២៥៦២ ត្រូវនឹងថ្ងៃទី២៥ ខែកញ្ញា ឆ្នាំ២០១៨ ឯកឧត្តម ម៉ុម សារឿន អភិបាលខេត្តស្ទឹងត្រែង និងឯកឧត្តម ឈឹម រចនា ប្រធានក្រុមប្រឹក្សាខេត្តស្ទឹងត្រែង បានអញ្ជើញដឹកនាំមន្រ្តីរាជការក្នុងខេត្ត ចូលរួមជាមួយប្រជាពលរដ្ឋ និងពុទ្ធបរិស័ទ ប្រារព្ធពិធីចម្រើនព្រះបរិត្ត និងស្តាប់ការសំដែងធម្មទេសនា ក្នុងពិធីកាន់បិណ្ឌវេនទី១ នៅវត្តស្រះកែវមុនីវណ្ណ(ហៅវត្តលើ) ក្នុងក្រុងស្ទឹងត្រែង ខេត្តស្ទឹងត្រែង ដែលជាប្រពៃណីព្រះពុទ្ធសាសនារបស់ដូនតាខ្មែរយើង បានតម្កល់ទុកមកសម្រាប់កូនខ្មែរគោរពប្រតិបត្តិ។ នាឱកាសនោះ ឯកឧត្តម ម៉ុម សារឿន អភិបាលខេត្តស្ទឹងត្រែង បានប្រគេនតិយវត្ថុ និងបច្ច័យចំនួន១,៤០០,០០០រៀល(មួយលានសែសិបម៉ឺនរៀលគត់) ដល់ព្រះសង្ឃ និងវត្តស្រះកែវមុនីវណ្ណ។
