រាជធានីភ្នំពេញ ៖ លទ្ធផលតេស្តរង្វាយតម្លៃសិស្សកម្រិតអន្តរជាតិ (PISA) គឺដើម្បីបង្ហាញពីការត្រៀមខ្លួនរបស់សិស្សមុនពេលចាកចេញពីសាលារៀន និងការប្រៀបធៀបសមត្ថភាពសិស្សានុសិស្សជាមួយប្រទេសផ្សេងៗ ក្នុងគោលបំណងធានាឱ្យបាននូវគុណភាពអប់រំ ។ ការកម្ពស់ការអប់រំនៅកម្រិតសាលារៀន គឺដើម្បីផលិតធនធានមនុស្សប្រកបដោយគុណភាព ដែលពោរពេញដោយចំណេះដឹង និងជំនាញច្បាស់លាស់ស្របតាមតម្រូវការទីផ្សារការងារ ដើម្បីរួមចំណែកក្នុងការអភិវឌ្ឍប្រទេសជាតិ ។
សិក្ខាសាលានេះ បានប្រព្រឹត្តទៅក្រោមអធិបតីភាពឯកឧត្ដមបណ្ឌិត អ៊ឹម កុច រដ្ឋលេខាធិការក្រសួងអប់រំ យុវជន និងកីឡា នាថ្ងៃព្រហស្បតិ៍ ៣រោច ខែភទ្របទ ឆ្នាំច សំរឹទ្ធិស័ក ព.ស.២៥៦២ នៅសាលប្រជុំមជ្ឈមណ្ឌលជាតិហ្វឹកហ្វឺនកីឡា រាជធានីភ្នំពេញ ។
