សម្តេចប្រធានរដ្ឋសភា ហេង សំរិន ដឹកនាំគណៈប្រតិភូរដ្ឋសភាកម្ពុជា អញ្ជើញដល់ព្រលានយន្តហោះអន្តរជាតិក្រុងណៃពិដោ ដោយសុវត្ថិភាព

សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា ដឹកនាំគណៈប្រតិភូជាន់ខ្ពស់រដ្ឋសភា អញ្ជើញដល់ព្រលានយន្តហោះអន្តរជាតិទីក្រុងណៃពិដោ ប្រទេសមីយ៉ាន់ម៉ា ដោយសុវត្ថិភាពនារសៀលថ្ងៃទី២៩ ខែកញ្ញា ឆ្នាំ២០១៦ ដើម្បីចូលរួមមហាសន្និបាតអន្តរសភាអាស៊ានលើកទី៣៧ ដែលនឹងប្រព្រឹត្តទៅពីថ្ងៃទី២៩ ខែកញ្ញា ដល់ថ្ងៃទី០២ ខែតុលា ឆ្នាំ២០១៦។