ដោយកំណើនសេដ្ឋកិច្ចនៅកម្ពុជា សមាគមអ្នកធុរជនឥស្លាមថៃ គ្រោងនឹងរៀបចំពិធីតាំងពិពណ៍ផលិតផលហាឡាលថៃនៅកម្ពុជា នៅឆ្នាំ២០១៩នេះ

លោកប្រធានបញ្ជាក់ថា ដោយមើលឃើញពីសក្តានុពល និង ឱកាសវិនិយោគនៅកម្ពុជា ជាពិសេសការវិនិយោគលើវិស័យឧស្សាហកម្មហាឡាល​ គឺជាទិសដៅសំខាន់របស់ភាគីវិនិយោគ និងធុរជនលើសកលលោក កំពុងមានចំណាប់អារម្មណ៍ រួមទាំងអ្នកវិនិយោគវិស័យហាឡាលក្នុងតំបន់ កំពុងផ្តោតការយកចិត្តទុកដាក់មកវិនិយោគនៅកម្ពុជា។

ឯកឧត្ដម​ឧកញ៉ា បណ្ឌិត អូស្មាន ហាស្សាន់ បានបញ្ជាក់ថា
ក្រោមគោលនយោបាយអភិវឌ្ឍន៍របស់រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី ដែលកំណើនសេដ្ឋកិច្ចនៅកម្ពុជាក្នុងអត្រាជាង ៧% ប្រចាំឆ្នាំ ក្នុងរយៈពេលជាង២ទសវត្សរ៍។

លោកបន្តថា កម្ពុជាស្វាគមន៍ និងបើកទូលាយរាល់ការវិនិយោគទាំងអស់ ហើយកម្ពុជាក៏មានធនធានគ្រប់គ្រាន់ និងមានលក្ខណៈអំណោយផលទាំងភូមិសាស្រ្ត និង ស្ថេរភាពនយោបាយ សន្តិសុខសង្គម ដែលជាកត្តាចម្បង ធានាបានសុវត្ថិភាពក្នុងការងារវិនិយោគ និងគ្មានហានិភ័យ៕