ថ្ងៃសៅរ៍ ១៤កេីត ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១៩ ខែមករា គ.ស.២០១៩ មន្ត្រីបច្ចេកទេស ក្រសួងធនធានទឹក និងឧតុនិយម ដឹកនាំដោយលោក ហៀង ម៉េង ប្រធាននាយកដ្ឋានវិស្វកម្ម បានរួមដំណើរជាមួយមន្ត្រីតំណាងក្រសួងសេដ្ឋកិច្ច និងហិរញ្ញវត្ថុ ដោយមានការចូលរួមពីលោក គឹមសាវុធ ប្រធានមន្ទីរធនធានទឹក និងឧតុនិយមខេត្តស្វាយរៀង បានចុះពិនិត្យ និងវាយតម្លៃគម្រោងសម្រាប់អនុវត្តក្នុងឆ្នាំ ២០១៩ លើទឹកដីខេត្តស្វាយរៀង រួមមាន ៖
១. ស្តារប្រឡាយមេអូរដំរីឆ្លងមាន ចំនួន៤ភូមិ ស្ថិតក្នុងឃុំបន្ទាយក្រាំង និងឃុំរាជមន្ទីរ ស្រុកកំពង់រោទិ៍ ខេត្តស្វាយរៀង ដែលមានចំនួនគ្រួសារសរុប ២៤៣ គ្រួសារ មានផ្ទៃដីស្រោចស្រពសរុប ១.២២៤ហ.ត ប្រាំង ១.០០០ហ.ត វស្សា ២.២៤ហ.ត។
២. ជួសជុល និងសាងសង់ទំនប់សណ្តរដូនទយ (ជំហានទី៤) ដែលស្ថិតនៅក្នុងស្រុក/ក្រុង ចំនួន ០៣ គឺក្រុងបាវិត ស្រុកកំពង់រោទិ៍ ស្រុកចន្រ្ទា និងមានផ្ទៃដីស្រោចស្រព សរុប ១.៥២២ហ.ត ប្រាំង ៤០២ហ.ត និងវស្សា ១.២២០ ហ.ត ។
