អភិបាលខេត្ត​ព្រះសីហនុ៖ អ្នកវិនិយោគ​ចិន​បានធ្វើ​ចំណូល​ពលរដ្ឋ​កើន​ដល់ ៣.៣៨០ដុល្លារ​អាមេរិក


អភិ​បាន​ខេត្ត​ព្រះសីហនុ​បាន​អះអាងថា ដោយសារតែ​កំណើន​អ្នកវិនិយោគ​ចិន​ចូលមក​បណ្តាក់ទុន នៅក្នុង​ខេត្ត​ព្រះសីហនុ បានធ្វើ​ឲ្យ​ប្រាក់ចំណូល​របស់​ពលរ​ដ្ឋ​នៅក្នុង​ខេត្ត​កើន​ឡើ​ហូត៣.៣៨០ដុល្លារ​អាមេរិក។

មានប្រសាសន៍ នៅក្នុង​ជំនួប​ជូនពរ និង​អបអរសាទរ​លោក អគ្គរដ្ឋទូត នៃ​សារ​ធារ​ណ​រដ្ឋ​ប្រជាមានិត​ចិន ប្រចាំ​ព្រះរាជាណាចក្រ​កម្ពុជា ក្នុងឱកាស​បុណ្យចូលឆ្នាំ​ថ្មី​ប្រពៃណី​ប្រជាជន​ចិន​នៅ​ថ្ងៃទី២៨ ខែមករា ឆ្នាំ២០១៩ ឯកឧត្តម ​យន្ត មីន អភិបាល​នៃ​គណៈ​អភិបាលខេត្ត​ព្រះសីហនុ បាន​សំដែង​ការ​អរគុណ​យ៉ាង​ជ្រាលជ្រៅ​ចំពោះ​មហាមិត្ត​ចិន ពិសេស​អ្នកវិនិយោគទុន​ចិន ដែល​បាន​ជួ​យមក​បណ្តាក់ទុន​នៅ​ខេត្ត​ព្រះសីហនុ ធ្វើអោយ​កំណើន​ចំណូល​របស់​ប្រជាពលរដ្ឋ​នៅ​ខេត្ត​ព្រះសីហនុ ឡើង​រហូតដល់៣.៣៨០ដុល្លារ​កាលពី​ឆ្នាំ ២០១៨ ។

ឯកឧត្តម បន្តថា ប្រាក់ចំណូល​របស់​ប្រជាពលរដ្ឋ​ក្នុង​ខេត្ត​ព្រះសីហនុ នឹង​បន្ត​កើនឡើង​ច្រើន​ថែមទៀត​នៅ​បណ្តា​ឆ្នាំ​ខាង​មុននេះ។

លោក វ៉ាង វិ​ន​ធាន ឯកអគ្គរដ្ឋទូត​សាធារណរដ្ឋ​ប្រជាមានិត​ចិន​ថ្មី​ប្រចាំ​កម្ពុជា បាន​សំដែង​ក្តី​រីករាយ ចំពោះ​ភាព​រីកចំរើន​គ្រប់​វិស័យ​នៅ​ខេត្ត​ព្រះសីហនុ ដោយ​លោក​បាន​អះ អាង​ថា ស​មិ​ទ្ឋិ​ផល​ទាំងនេះ​បានមក​ដោយសារ​ភាព​យូរអង្វែង​នៃ​ប្រវត្តិសាស្ត្រ មិត្តភាព វប្ប​ធ៌​ម សេដ្ឋកិច្ច ពា​ណិ​ជ្ចក​ម្ម និង​ចំណងមិត្តភាព​ខេត្ត-ក្រុង​ជា​បងប្អូន ទើអ្វីៗគ្រប់យ៉ាង​បាន​ប្រសើរឡើង​រវាង​ចិន-កម្ពុជា។

ជាមួយគ្នានេះ​ភាគី​ទាំងពីរ បាន​ប្តេជ្ញា​រួមគ្នា​លុបបំបាត់​ភាព​អ​វិ​ជ្ច​មាន​នានា​ឲ្យ​អស់​នាពេល​ដ៏​ខ្លី​ខាងមុខ ហើយ​សន្យា​នឹង​ឧបត្ថម្ភ​គាំទ្រ សហការ​ជាម​មួយ​នឹង​សមត្ថកិច្ច​ទាំងអស់ ពិសេស​កងកំលាំង​នគរបាល​នៃ​ស្នងការដ្ឋាន​នគរបាល​ខេត្ត​ព្រះសីហនុ៕